Ермағанбет Бөлекпаев Балқаштағы жаңартылған нысандарды аралады
Облыс әкімі Ермағанбет Бөлекпаев жұмыс сапары барысында Балқаштағы жаңартылған нысандарды аралап көрді.
Ірі жобалардың бірі – Балқаш қаласының көпбейінді ауруханасын жаңғырту. Бұл медициналық мекеме Балқаш, Приозерск қалаларының, Саяқ кентінің, сондай-ақ Шет және Ақтоғай аудандарының тұрғындарына қызмет көрсетеді
Мұнда жаңа қосымша ғимарат салынып, жоспарлы және шұғыл түрде жатқызылатын науқастар үшін бөлек кіреберістері бар қабылдау бөлімі ашылды.
— Мемлекет басшысының тапсырмасы бойынша облыста қайтарылған активтер есебінен маңызды әлеуметтік және инфрақұрылымдық жобалар жүзеге асырылуда. Бұл қаражат халықтың өмір сапасына тікелей әсер ететін нысандарға — денсаулық сақтау саласынан бастап көлік инфрақұрылымына дейінгі бағыттарға жұмсалып жатыр, — деді Қарағанды облысының әкімі Ермағанбет Бөлекпаев.
Ауруханада жаңа операциялық бөлмелер мен заманауи медициналық жабдықтар орнатылды. Олардың қатарында ангиограф, магниттік-резонанстық және компьютерлік томографтар, нейрохирургиялық микроскоп бар. Бұл пациенттерді диагностикалау мен емдеу мүмкіндіктерін едәуір кеңейтті.
Материалды әзірлеген Аяулым СОВЕТ
