Облыстық дене шынықтыру және спорт басқармасына жаңа басшы тағайындалды

Қарағанды облысының дене шынықтыру және спорт басқармасының басшысы лауазымына Темірхан АБЫЛАЕВ тағайындалды.

Темірхан Серікбайұлы Абылаев 1973 жылы Ұлытау ауданында дүниеге келген. Екі жоғары білімі бар.

1997 жылы Ө.Байқоңыров атындағы Жезқазған университетін «Қазақ тілі мен әдебиеті пәнінің мұғалімі» мамандығы бойынша бітірген.

2004 жылы Е.Бөкетов атындағы Қарағанды мемлекеттік университетін «Дене шынықтыру және спорт пәнінің мұғалімі» мамандығы бойынша тәмамдаған.

 Еңбек жолын 1991 жылы Ұлытау ауданы «Шеңбер» совхозының №3 фермасында шопанның көмекшісі, аға шопан болып бастаған.

 1997 жылы Ұлытау ауданының №2 Қорғасын орта мектебінде дене шынықтыру пәнінің мұғалімі болды.

 1998 жылы «Анненск» кенішінде бұрғылаушы болып жұмыс істеді.

1999 жылы №13 Жезқазған орта мектебінде қазақ тілі мен әдебиеті пәнінің мұғалімі болды.

2000 жылдан 2008 жылға дейін Жезқазған қалалық балалар-жасөспірімдер спорт мектебінде дзюдодан жаттықтырушы-оқытушы болған. 2008 жылы мектеп директоры қызметін атқарды.

2010 жылдан бастап 2015 жылға дейін Жезқазған олимпиадалық резервтегі мамандандырылған балалар мен жасөспірімдер спорт мектебінің басшысы қызметін атқарды.

2015 жылдан қазіргі уақытқа дейін облыстық кешенді мамандандырылған балалар-жасөспірімдер спорт мектебін басқарды.

Облыс әкімінің баспасөз қызметі.