Жастарды бірлікке бастаған

    Александр УРМАШОВ – Қарағандыдағы белсенді жастардың бірі. Ұлттар достығын сақтай отырып, жастарды тәрбиелікке, адамгершілікке баулып жүр.

Александр 2012 жылдан бас­­тап Қарағанды қаласында құ­рылған «Dacia» (Дачия) румын мәдени қоғамы» қоғамдық бірлестігінің басшысы болды. Қоғамның басты міндеті – қазақстандық патриотизмді насихаттау,  мәде­ниет мен ана тілді жаңғырту және дамыту, жас ұрпақты румын дәстүрлеріне, этностар арасында достықты нығайтуға, облыстағы жастар саясатын дамытуға тарту. Жастар қанаты қазақстандық бірегейлік пен бірлікті дамыту және нығайту негізінде жұмыс істейді, әрбір азамат этникалық шығу тегіне қарамастан, өз тағдыры мен болашағын Қазақстанмен байланыстырады.

Жастар қанатының белсенді­лері тарапынан ана тілі мен мә­­дениеті, салт-дәстүрі мен әдет-ғұрпын үйрететін  М.Еминес­ку атындағы жексенбілік мектеп ашыл­ды. Айта кетсек, мұнда ниет біл­дірушілер мемлекеттік тілді де үйренеді. Жастар қанатында «Dorule» (Доруле) этнофольклорлық ансамблі құрылған. Ансамбльдің әртістері – республикалық, облыстық және қалалық концерт, фестиваль, шығармашылық бағ­дарламалар мен іс-шаралардың тұрақты қатысушылары. Ансамбль тек біздің елімізге ғана емес, одан тыс елдерге де танымал. Жігіттер мен қыздар румын халқының тамаша әндерін айтып, билерін билеп, сондай-ақ, румындарды қазақ халқының мәдениетімен та­ныстырған «Lа fantana dorului»  румын фольклоры фестиваліндегі, «JocRomanesc» фестиваліндегі  бас жүлдегер атанды. Жастар қанатының мүшелері тек румындар ғана емес, қазақтар, орыстар, кәрістер, украиндар, молдавандар мен шешендер де бар. Бұл ретте, жастар табысты дамуды мақсат ете отырып, мемлекеттік органдармен және қоғамдық ұйымдармен де ынтымақтастық құрды. Білім беру және мәдени бағдарламаларды іске асыра отырып, жастарды өзара түсінушілікке, сыйластыққа шақырып, тұлғаның дамуына ат­салыс­ты.

el.kz

Пікір қалдыру

Сіздің e-mail жарияланбайды. Толтырылуы міндетті *

This site uses Akismet to reduce spam. Learn how your comment data is processed.