Жас өнертапқыштар бәсекесі

Жыл сайын облыста оқушылардың өнертапқыштық және шығармашылыққа деген қызығушылығын қалыптастырып, ойын дамытуға бағытталған  «ITEENS» білім беру Хакатоны өткізіледі. Биыл аталмыш іс-шара жалғасын тауып, 10-16 жас санат аралығында  5 бағыт бойынша өткізілді. Оған аймақ бойынша 123 оқушы қатысып, бағын сынады. 

Байқаудың іріктеу кезеңі  24 наурызда өтті. Ал, облыстық кезеңнен жолдама алған оқушылар екінші, яғни, 31 наурызда өтетін республикалық кезеңге жолдама алды. Республикалық кезең – «ШАГ» Компьютерлік академиясының базасында өткізілмек.

Байқау қорытындысы бойынша, «Программалау» бағытында бақ сынаған  Теміртау қалалық №31 жалпы білім беретін мектептің оқушысы Азамат Әлиханов, «Дарын» мамандандырылған мектеп-лицей интернатының оқушысы Жазира Өміртаева, Қарағанды қаласы 101 мектеп-лицейінің оқушысы Даниил Хуснуллин республикалық кезеңге жолдама алды. Сонымен қатар, Осакаров ауданы №12 базасындағы тірек мектебінің оқушылары Никита Гринко мен  Софья Ладнер, аудандағы №9 гимназия базасындағы тірек мектебінің оқушысы Константин Калашников келесі кезеңге өтті.

«3D модельдеу бағыты» бойынша Абай ауданы, А.Байтұрсынов атындағы мектеп-гимназияның оқушысы Тұрсынбай Нұрислам, А.Байтұрсынова атындағы мектеп-гимназиясынан Мөлдір Еркенова, М.Мамраев атындағы жалпы білім беретін орта мектен Азиз Азат, Теміртаудағы №31 мектептен Никита Рындин, Шахтинск қаласы, Ә. Бөкейханова атындағы мектеп-лицейінен Бекет Есентай, Н.Нұрмақова атындағы мамандандырылған мектеп-интернатынан Ислам Жанат, Қарағандыдағы Г.Потанин атындағы мектептен Курус Денис, №48 мектептен Кирилл Григоренко, №101 мектеп-лицейінен Руслан Огай республикалық кезеңге жолдама алды.

2D дизайны бағыты бойынша №86 мектептен Жұмаділдин Рамазан, Қ. Сәтбаев атындағы мектеп-гимназиясынан Алан Амалатов, «Мұрагер» мамандандырылған мектеп-лицей интернатынан Ералы Орал, Ж. Тәшенов атындағы орта мектептен Мансұр Кубылаев, № 22 мектептен Михайл Коваленко, Б.Момышұлы атындағы орта мектептен Крамер Кристина, Н.Әбдірова атындағы мектептен Эвелени Қоңыр, Сарандағы №1 мектеп-лицейінен Гузев Вадим мен №6 мектептен Роман Мишутин жеңімпаз атанды.

«Ойындарды құрастыру» бағытында Қарағандыдағы №2 мектеп-лицейінің оқушысы Әмірлан Ғабдуллин, С.Сейфуллин атындағы гимназиядан Жасмин Гарифуллина мен Мансұр Нұржанов жеңіске жетті.

«WEB-дизайн» бағыты бойынша да үздіктер анықталды.  Қарағандыдағы №2 мектеп-лицейінен Эдвард Игнатьев, «Озат» мамандандырылған мектеп-лицей интернатынан Мансұр Ноғаев, №1 Гимназиядан Жанторе Шерьязданов, №68 мектептен  Алексей Самойлов, Теміртаудағы №9 мектеп-лицейінен Мирас Болат пен Осакаров ауданының №9 гимназия базасындағы Тірек мектебінен Никита Катсапов келес кезеңге жолдама алды.

Ербол ЕРБОЛАТ,

Оrtalyq.kz