Жаңалықтар
Жаңа тәсіл – өркениет биігі
Қарағандыдағы «Достық үйінде» «Дауларды реттеудегі медиатор құралдары мен медиация рәсімі негіздері» тақырыбында шеберлік сағаты өтті. Аталған шараға облыс әкімі аппаратының «Қоғамдық келісім» КММ мен Халықаралық құқық қорғау орталығы, Қазақстан медиаторлар ассоциациясы ұйытқы болды.
Шарада медиацияны және басқа да дау-жанжалды шешудің баламалы тәсілдерін дамыту, жеке және заңды тұлғалардың құқықтары, бостандықтары мен заңды мүдделерін қорғау, даулы жағдайларды реттеу үшін медиация институтын кеңінен енгізу мәселелері қарастырылды.
Мазмұны терең шараға облыстың этно-мәдени бірлестіктер, ақпарат құралдары өкілдері, кәсіби медиаторлар, жоғары оқу орындарының студенттері қатысты.
Нұрқанат ҚАНАФИН
