«Сарыарқа» сәтті ойын өткізді

    Қарағандының «Сарыарқа» хоккей клубы бейсенбі күні Жоғары Хоккей Лигасы тұрақты маусымының кезекті матчында «Молот-Прикамье» командасын жолдан ығыстырды.

Шабуылды сәтті пайдаланған қарағандылық Исаак Валицкий алғашқы болып шайба салып, есепті ашты. Бұдан кейін «Молот-Прикамье» командасының ой­­ыншылары Анатолий Раенко, Рус­лан Шайхулов есепті еселеп, командасын алдыға шығарды. Кезекті шабуылдардан соң қос команданың мықты ойыншылары Вадим Ермолаев пен Михаил Анисин шайба алмасты. Жоғары Хоккей Лигасында ойын өрнегін көрсетіп, қарсыластарын қапыда қалдырған «Молот-Прикамье» кә­cі­би хоккей клубы осы жолы қа­рағандылықтардан айласын асыра алмады. Соңғы секундтарда, «Сарыарқаның» саңлақтары Артур Сарваров пен Евгений Орлов «Молот-Прикамье» командасының қақпасына шайба тоғытып, жеңістің туын желбіретті. Есеп – 4:3. «Са­рыарқа» командасының ұпайы жо­ғары болды.

Айта кетейік, бүгін «Сары­арқа» хоккей клубы Ижевск­тің «Ижста́ль» хокке́й клубымен кез­деседі.

Нұрдос КӘРІМ

Пікір қалдыру

Сіздің e-mail жарияланбайды. Толтырылуы міндетті *

This site uses Akismet to reduce spam. Learn how your comment data is processed.