Рината Сұлтанова – Азия ойындарының қола жүлдегері

Қазақстандық велоспортшы Рината Сұлтанова Ханчжоуда өтіп жатқан Азия ойындарының қола жүлдегері атанды.

Қазақстандық Рината Сұлтанова 18,3 шақырымдық жекелей жарыста қола жүлдегер атанды. Өзбекстандық Ольга Забелинская (24:35.99) мен жапониялық Эри Ёнамине (+59.60) бірінші және екінші орын алды.

Сонымен қатар бұл жүлде әйелдер арасындағы ұлттық велоспорт тарихындағы екінші жүлде. 2006 жылғы ойындарда Зульфия Забирова осындай жарыста күміс алған еді.

Аида РАХЫМҚҰЛОВА,

ortalyq.kz