Республика даңғылындағы жол жөндеу жұмыстары алдағы күндері аяқталады

Қарағанды қаласы Республика даңғылындағы жолдың бір бөлігі кешеден жабық. Қоғамдық көліктер айналма жолмен қатынауда. Сондықтан да, тұрғындар Кувская көшесіндегі аялдамаға баруға мәжбүр.

Бірақ, Қарағанды қаласының тұрғын үй-коммуналдық шаруашылық, жолаушылар көлігі және автомобиль жолдары бөлімі басшысының міндетін атқарушы Григорий Ботнарь алдағы демалысқа дейін жол ашылатынын мәлімдеп отыр.

– Жол жөндеу жұмыстары жоспарға сай жүргізілуде. Тұрғындар тарапынан арыз-шағым түскен жоқ. Қоғамдық көліктер де айналма жолмен еш кедергісіз жүріп жатыр, – дейді Григорий Викторович.

Салтанат ІЛИЯШ,
Ortalyq.kz