Облыстық білім басқармасының басшысы қызметінен кетті
Қарағанды облысы Білім басқармасының басшысы Гүлсім Қожахметова қызметінен кетті. Бұл туралы Гүлсім Шабданқызы өзінің Facebook-тегі парақшасында жазды.
Гүлсім Шабданқызы Қарағанды облысының Білім басқармасына басшы болып 2020 жылы келді.
– Құрметті оқырмандар! Әріптестер, ата-аналар және оқушылар! 10 жылдай мемлекеттік қызметте, 35 жылдан астам білім беру саласында қызмет атқардым. Аға пионер вожатыйынан облыстық білім басқармасының бастығына дейін еңбек жолын өттім. Осы уақыт ішінде мен үлкен тәжірибе мен құнды білім алдым. Мен көптеген тамаша адамдарды, өз саласының кәсіби мамандарын кездестірдім. Ол мектеп оқушыларының бірнеше буынының қалыптасуына атсалысты. Жылдар елеусіз зымырап өте берді. Балаларымыз тез өсіп, немерелеріміз пайда болды. Ал енді өткенге көз жүгіртсем, қоғам мен мемлекет игілігі үшін бар күш-қуатымды, уақытымды текке жұмсағаным жоқ деп нық сеніммен айта аламын. Үзіліс жасап, отбасы мен жақындарыма көбірек уақыт бөлетін сәт келді. Балаларымыздың жетістіктерімен мақтанып, немерелерімізді өсіруге көмектесетін уақыт. Сондықтан мен Қарағанды облысының білім басқармасының басшысы қызметінен кетуді жөн көрдім. Білім саласындағы әріптестеріме шыдамдылық, күш-қуат және қиын, бірақ игі ісімізде табыс тілеймін!, – деп жазды Гүлсім Шабданқызы.
Аида РАХЫМҚҰЛОВА,
ortalyq.kz
