Кеншілер аймағы екінші орында
Қарағанды облысында алты айда 1,05 трлн. теңгеге өнеркәсіп өнімдері өндірілген. Өнеркәсіп көлемі бойынша Қарағанды облысы елімізде екінші орында тұр. Республикалық өндірістегі облысымыздың үлесі – 10%. Бірінші орын – өңдеу өнеркәсібінде. Бұл секторда жарты жылда 811,6 млрд.теңгеге өнім өндірілген екен. Өткен жылмен салыстырғанда ол көрсеткіш 3,4%-ға артық.
Өнеркәсіптің негізгі салалары – металлургия, машина құрастыру, химия өнеркәсібі және фармацевтикада өсім байқалады. Өнеркәсіп кәсіпорындарының негізгі капиталына 73,7 млрд. теңге құйылған. Мұның жартысына жуығы (38 млрд.теңгеден астамы) өңдеу өнеркәсібіне тиесілі. Кәсіпкерлерді қолдау картасы бойынша облысымызда 80 индустриалды жобалар іске қосылса, онда 6000-нан астам жұмыс орны ашылған. Алты ай ішінде бұл өндіріс орындары 84 млрд. теңгеге өнім өндірген көрінеді. 2017-ші жылға 9,3 млрд. теңгеге 9 жобаны іске қосу жоспарланып отыр. Оларда 500-ден астам жаңа жұмыс орындары құрылады деп күтілуде. Олардың ішінде 3,5 млрд теңгені құрайтын 3 жоба іске қосылған. Жаңа кәсіпорындарда 159 жаңа жұмыс орны қамтамасыз етіледі.
Өз тілшімізден