Сенбі күні Гоголь көшесіндегі жолдың Космонавтар көшесінен Гудермесская көшесіне дейінгі бөлігі жабылды. Бастапқыда жұмысшылар асфальттың екінші қабатын демалыс күндері төсеуге уәде берген болатын, бірақ жұмыс сейсенбіге дейін ұзартылды.
– Құрметті қала тұрғындары! «Қарағанды қаласының тұрғын үй-коммуналдық шаруашылығы, жолаушылар көлігі және автомобиль жолдары бөлімі» ММ Гоголь көшесіндегі тас жолды орташа жөндеу жұмыстарының жалғасуына байланысты учаске 27 тамызға дейін жабылатынын хабарлайды. Жабық аумақта үстіңгі қабатты төсеуге дайындық жұмыстары жүргізілді. Ауа райының қолайсыздығына және дайындық жұмыстарының үлкен көлеміне байланысты жолды 27 тамызда ашу жоспарлануда, – деп хабарлады әкімдік.
Әкімдік уақытша қолайсыздықтар үшін қарағандылықтардан кешірім сұрап, олардың бағытын алдын ала жоспарлауды ұсынады.
Ілияс ДҮНГЕНБАЙҰЛЫ.
Видео: қала әкімдігінен
