Газет – әр шаңырақтың тағылым терезесі
Қадірлі жамағат!
Аймағымыздың рухани өмірінің айнасы саналатын «Ortalyq Qazaqstan» газеті әрқайсымызға ой мен сананы жаңғыртатын өзекті ақпарат жеткізіп, қоғамдағы маңызды мәселелерге зер салуға жол ашады. Бұл басылым уақыттың талабына сай жаңашылдықпен дамып, ұлттық дүниетанымды насихаттауға зор үлес қосуда. Біздің асыл дініміз Ислам – білім мен парасатты жоғары бағалайтын, адамзатқа рухани бағыт-бағдар беретін ұлы сенім жолы. Осы газет арқылы рухани игілігімізді дәріптеп, елдік мүддені де бірге қолдап келеміз.
Ендігіде «Ortalyq Qazaqstan» газетіне жазылу бұрынғыдан да оңай болды! Қазіргі заманғы озық технологиялар арқасында Сіз басылымға Kaspi QR арқылы әп-сәтте жазыла аласыз. Осы әдіс уақытты үнемдеп, әрбір оқырманға қолайлы жағдай жасайды. Бұл ынтымақтастық әрекетіңізбен сіз қоғамымыздың ақпараттық сауаттылығын арттырып, еліміздегі рухани тұрақтылық пен бірлікті нығайтуға атсалысасыз.
Мың жерден техника дамыса да, газеттің жөні бөлек екені сөзсіз. Сондықтан, мен газет оқуды күнделікті әдетке айналдырдым. Аймақтың басты жаңалықтарын қалт жібермей оқып отырамын.
Газет – әрбір үйдің тағылым терезесі. Сол терезеден айшықты әлемнің жаңалығын, еліміздің жетістігін, мұнымен қатар, рухани ілімді бірге игерейік. Құрметті оқырман, діліміздегі, дініміздегі жаңғыруымызды қолдап, игі істерімізді басылым арқылы біріктірейік!
Естай ӘБДІҒАЛИ,
Қарағанды облысының бас имамы.
