ҰБТ-ның аралық қорытындысы жарияланды

Тестілеуге смартфон, шпаргалка алып кірмек болған 146 талапкер тест тапсыру мүмкіндігінен айырылды.

Негізгі ҰБТ басталғаннан бері 127 мыңнан астам рет тест тапсырылды. Оның ішінде:

– Талапкерлердің 74%-ы қазақ тілінде, 26%-ы орыс тілінде, 0,1% ағылшын тілінде тест тапсырды.
– шекті балды 78%-ға жуық талапкер жинады;
– орташа балл – 69 балл;
– ерекше білім беру қажеттілігі бар 370 бала қатысты;
– ең жоғары балл – 137.
Тестілеу кезінде ереже бұзғаны үшін аудиториядан 106 адам шығарылып, олардың нәтижелері жойылды.