Биыл Қарағанды облысында жеті медициналық мекеме ашылады

Биыл жыл соңына дейін Қарағанды облысында 4 емхана мен 2 оңалту орталығы ашылады. Бұл туралы облыс әкімдігінде өткен аппарат жиында облыстық денсаулық сақтау басқармасының басшысы Ержан Нұрлыбаев мәлімдеді.

Ересектерге арналған 40 орындық оңалту орталығы Оңтүстік-Шығыста, ал, балаларға арналған 50 орындық орталық Майқұдықта ашылады. Науқастарға қызмет көрсету сапасына міндетті әлеуметтік медициналық сақтандыру жүйесінің пилоттық режимі де айтарлықтай ықпал еткен. 

— Оңалту көмегіне қол жеткізу 42%-ға жақсарды. МӘМС енгізу жөніндегі пилоттық жоба басталғанға дейін орташа ай сайын оңалту төсектерінде 690 пациент емделді. Қазан айында бұл көмек түрі 981 науқасқа көрсетілді, — деді Ержан Нұрлыбаев.
Медициналық сақтандыру арқасында көптеген адамдар КТ және МРТ сияқты қымбат тексеруден өте алды. Медициналық қызметтің бұл түрлері соңғы екі айда 2.5 есе жиі көрсетіле бастады.