Қарағанды онкологиялық диспансерінде Ашық есік күні өтеді

Қарағанды облысының тұрғындары екі қауіпті ауру бойынша онкологтардан кеңес ала алады. N3 көпсалалы аурухананың (Облыстық онкологиялық диспансер) дәрігерлері Ашық есік күнін өткізеді.

Іс-шара колоректальды қатерлі ісік және HPV (адамның папиллома вирусы) – жатыр мойны обыры туралы хабардар болу айлығы аясында өтеді. Қабылдау 30 наурыз (сенбі) күні сағат 8:00-ден 13:00-ге дейін өтеді. Тіркелген жеріңіздегі емханаларда аймақтық онкологтардың қабылдауына алдын ала жазылуыңыз қажет. Аурухананың мекенжайы – Қ. Аманжолов көшесі, 189. Колоректальды қатерлі ісік – бұл тоқ ішекке немесе тік ішекке әсер ететін қатерлі ісік түрі. Бұл аурудың қаупі жасына қарай артады. Көп жағдайда ол 50 жастан асқан адамдарда дамиды. Жатыр мойны обыры да жатыр мойны каналының шырышты қабаты жасушаларының қатерлі дегенерациясымен сипатталатын кең таралған ісік ауруы болып табылады.

Ілияс ДҮНГЕНБАЙҰЛЫ