Қарағанды облысының мектеп оқушылары робототехникадан республикалық чемпионатқа жолдама алды
Өткен демалыс күндері робототехникадан «Nurmakov Tournament» облыстық ашық біріншілігінің қорытындысы шығарылды. Оған Қарағанды облысының аудан, қала мектептерінің, облыстық жалпы білім беретін мектеп-интернаттарының 5-11 сынып оқушыларынан құралған 62 команда қатысты. Чемпионаттың ұйымдастырушылары – Қарағанды облысы білім басқармасының «Сарыарқа дарыны» балаларға арналған өңірлік қосымша білім беру ғылыми-практикалық орталығы мен Н.Нұрмақов атындағы мектеп-лицей интернаты.
Қазақстанда спорттық-білім беру робототехникасы бірнеше жылдан бері дамып келеді. Ұйымдастырушылардың басты міндеті – балалар мен жастар арасында инновациялар мен жоғары технологиялар саласын дамыту.
Команда басшыларының айтуынша, чемпионат бір демде өтіп, төрешілер әділ шешім шығару үшін өздері жарыс өтетін залдарға кіре алмаса да, өз шәкірттерінің эмоцияларына көңілдері толды.
– Дау дамайсыз барлығы тиісті орынға ие болды. Негізі, робототехника заманға сай, баланың логикасын дамытадын, жылдам шешім қабылдауға, тегіріктен жылдам жол табуға үйрететін сын. Осы жолы робототехникадан өткен сайыс спорт жағынан көрінсе, жалпы оның шығармашылық жағынан өтетін сайыстары да бар, – дейді Қарағанды қаласының «Robo103» команда жетекшісі Тұшай Жанболат.
Чемпионат 7 номинация бойынша ұйымдастырылды. «Робо-сумо», «Кегельринг квадро», «Желе жарысы», «Биатлон-адам өнері», «Биатлон-ең жоғары санат», «Эстафета» және «Лабиринт». Жеңімпаздар медальдар мен естелік кубоктармен марапатталды. Және әр номинация бойынша бірінші орын иегерлері робототехникадан республикалық чемпионатқа жолдама алды.
«Робо сумо» номинациясы бойынша екі ІІІ орынды Қарағанды қаласы мен Нұра ауданының «Қалибара» және «Тассауат» командалары бөліп алды, ІІ орынға ие болғандар – Жамбыл мамандандырылған мектеп-интернатының «Жамбыл мектебі» командасы, І орын – Шахтинск қаласының «Арлан» командасы.
«Кегерлинг – Квадро» номинациясы бойынша «Ақпараттық технологиялар» мектеп-интернатының «Ойыншылар» командасы ІІІ орын, Теміртау қаласының «Робокс» командасы ІІ орын алды, ал Нұра ауданынан «Нұра» командасы қатысушылары жеңімпаз атанды.
«Биатлон – жасөспірімдер тобы» номинациясы бойынша Шет ауданы Нұрталдин атындағы орта мектебінің «ROBOTICS» командасы жеңімпаз атанды, «Биатлон – үлкен топ» номинациясы бойынша – «Дарын» мамандандырылған мектеп-интернатының «Дарын» командасы жеңімпаз атанды.
«Лабиринт» номинациясы бойынша І орынды Шахтинск қаласының «Арлан» командасы алды, ІІ орынды – Қарағанды қаласының «Robo103» командасы, ІІІ орынды – Теміртау қаласының «Сүндет» командасы және У.Н. Нұрмақов атындағы мамандандырылған лицей-интернет командасы.
«Эстафета» номинациясы бойынша І орынға Қарағанды қаласының «Robo103» командасы иеленді.
«Сызық бойымен жүру» номинациясы бойынша – Қарағанды қаласының №12 мектебінің командасы І орын мен республикалық чемпионатқа жолдама алса, ІІ және ІІІ орындарды Жамбыл атындағы мамандандырылған мектеп-интернатының командасы, «Мұрагер» мамандандырылған мектеп-интернатының «Түн ортасы командасы» және «Robo103» командасы алды.
«Robo mission fll map» номинациясы бойынша «Мұрагер» мамандандырылған мектеп-интернатының «Желтоқсан» командасы жеңімпаз атанды.
Жеңімпаз атанған 7 команданың барлығы 2023 жылғы 4-5 мамырда елордамыз Астана қаласында өтетін «Robotek Grand Tournament» республикалық турниріне жолдама алды.
Динара Қайрат.
