Қарағанды облысына биыл ЭКҰ-ға 270 квота бөлінді
Қазақстанда демографиялық жағдайды жақсарту мақсатында 2021 жылдан бастап Мемлекет басшысы Қасым-Жомарт Тоқаевтың тапсырмасымен «Аңсаған сәби» бағдарламасы енгізілген болатын. Биыл Қарағанды облысында 270 отбасы міндетті әлеуметтік медициналық сақтандыру бағдарламасы бойынша экстракорпоралды ұрықтандырудың (ЭКҰ) қызметін пайдалана отырып, ата-ана болу мүмкіндігіне ие бола алады.
ЭКҰ-ға квота алу үшін:
– тіркелген жері бойынша емханаға барып, акушер-гинекологтың қабылдауына жазылу;
– гормондарға анализ тапсыру, жатыр түтікшелерінің өтімділігіне тексеруден өту және репродуктологтың қорытындысын алу;
– ерлерге спермограммадан өтіп, андрологтың қорытындысын алу қажет.
Құжаттардың толық топтамасымен облыстық клиникалық аурухананың Отбасын жоспарлау және репродуктивті денсаулық орталығына квота беру жөніндегі комиссияға жүгіну қажет.
– Егер сіздердің емханаларыңызда зерттеу жүргізуге қажетті мамандар мен жабдықтар болмаса, МӘМС аясында барлық қажетті процедуралар жүргізілетін Отбасын жоспарлау орталығына жолдама ала аласыз, – дейді акушер-гинеколог және репродуктолог Татьяна Слободчикова.
Комиссияның оң қорытындысын алғаннан кейін жұптар ЭКҰ процедурасын жүргізу үшін Қазақстандағы кез келген клиниканы таңдай алады.
Отбасын жоспарлау орталығының мекен-жайы: Қарағанды қаласы, Н.Назарбаев даңғылы, 10а.
Телефон арқылы қабылдау (8-7212) 42-55-54.
Call-орталық: (8-7212) 94-04-77, +7-778-003-71-47.
Материалды әзірлеген Аида РАХЫМҚҰЛОВА
