«Алматы-Екатеринбург»: тағы бір жол көлік оқиғасы орын алды
Бүгін «Алматы-Екатеринбург» тас жолында, атап айтсақ, Теміртау қаласының маңайында жол көлік оқиғасы орын алып, бір адам ауруханаға жеткізілді.
Оқиға бүгін сағат 11:15-те тіркелген. Мәліметтерге сүйенсек, «Man» маркалы жүк көлігі жолдан тайып кеткен.
– Алдын ала мәліметтер бойынша, 32 жастағы «Man» автокөлігінің жүргізушісі көктайғақ жағдайында жылдамдық режимін сақтамай, сырғанап, қисық сызықты ағашқа соғылған. Әрі жолды жауып тастаған. Апаттың салдарынан көлік жүргізушісі медициналық мекемеге жеткізілді, – делінген облыстық полиция департаменті мамандарының мәліметінде.
Қазіргі уақытта факт тіркелген. Тиісті сараптамалар тағайындалып, нәтижелері бойынша процестік шешім қабылданбақ. Ал, денсаулық сақтау басқармасының мамандары жүргізушіні Теміртау көпсалалы ауруханасына жеткізгенін айтады.
Айта кетейік, кеше үш бірдей жүк көлігі апатқа ұшырап, салдарынан бір жүргізуші қайтыс болған еді.
Ербол ЕРБОЛАТ,
Ortalyq.kz
