Қала көшелерінің бірінде ата-анасының қарауынсыз қалған екі жастағы бала табылды
Қарағандының Оңтүстік-Шығысындағы тұрғын үй алаптарының бірінде үлкендердің қарауынсыз қалған екі жастағы бала табылды. Сәбиді тауып алғандар Қарағандының Жедел басқару орталығына хабарласқан. Оңтүстік-Шығыс полиция бөлімінің қызметкерлері баланың жеке басын және оның 2 жаста екенін, сонымен қатар, ата-анасын да анықтады.
Қарағанды облысының полиция департаменті бұл отбасы 4, 2 және 1 жастағы үш кішкентай баланы тәрбиелеп отырғанын мәлімдеді. Полицейлер мен ата-аналар арасындағы жан-жақты әңгімеден кейін олар медициналық тексеруге жіберілді, ал балалар қауіпсіздік пен амандық үшін кәмелетке толмағандарды бейімдеу орталығына уақытша орналастырылды.
Ата-анасы әкімшілік жауапкершілікке тартылып, материал Қарағанды қаласы әкімі жанындағы кәмелетке толмағандардың құқықтарын қорғау жөніндегі комиссияға жолданды. Енді оларды ата-ана құқығынан айыру мәселесі қаралатын болады.
Ілияс ДҮНГЕНБАЙҰЛЫ.
