Қазақстан құрамасы Ұлттар лигасын тең нәтижемен бастады
Қазақстан ұлттық құрамасы УЕФА Ұлттар лигасындағы жаңа маусымын тең нәтижемен бастады. Торсхавнда өткен кездесуде отандастарымыз Фарер аралдарымен 1:1 есебімен тең түсті.
Ойынның алғашқы бөлігінде алаң иелері есеп ашып, Қазақстан құрамасын тығырыққа тіреді. Алайда қазақстандық футболшылар жауап голын көп күттірмей, таразы басын теңестірді. Ұлттық құрама сапынан Темірлан Ерланов мергендік танытып, есепті 1:1-ге жеткізді.
Кездесудің қалған бөлігінде қос команда да жеңіс голын соғуға тырысты. Қазақстан құрамасы бірнеше қауіпті шабуыл ұйымдастырғанымен, ойын соңына дейін есеп өзгерген жоқ.
Осылайша Қазақстан Ұлттар лигасының алғашқы турында бір ұпай еншіледі.
Ұлттық құраманың келесі кездесуі 29 қыркүйекте сырт алаңда Словакияға қарсы өтеді. Бұл ойында қазақстандық футболшылар алғашқы жеңісіне қол жеткізуге талпынады.
Диас СЕРІКҚАЗЫҰЛЫ
Ortalyq.kz
