Табиғат қорғау заңнамасын сақтау туралы

«Қарағанды облыстық орман шаруашылығы және жануарлар дүниесі аумақтық инспекциясы» РММ Қарағанды облысының аңшылары мен балықшыларына табиғатты қорғау заңнамасын бұзғаны үшін жауапкершілік бар екендігі туралы ескертеді.

2020 жылдың 9 айында инспекцияда әкімшілік құқықбұзушылық туралы 269 хаттама (Балық бойынша 207, аң аулау бойынша 62) тіркелді және 2 698 785 теңге сомасына айыппұл салынды. Соттарға 24 материал жолданды, 276 577 теңге сомасына талап – арыз қойылды. Жыл басынан бері тіркелген қылмыстық құқықбұзушылықтар саны 28 қылмыстық істі құрайды. ҚР ҚК 335-бабы бойынша (балық ресурстарын және басқа су жануарларын заңсыз өндіру) – 16 факт, ҚР ҚК 337-бабы бойынша (заңсыз аң аулау) – 9 факт, ҚР ҚК 339-бабы бойынша (заңсыз сатып алу, өткізу, сақтау, тасымалдау және т. б.). өсімдіктер мен жануарлар дүниесі объектілерін қоспағанда) – 3 факт.

«Қарқаралы МҰТП» РММ 05.10.2020 жылғы жедел ақпаратына сәйкес, құрамында ұлттық табиғи парк қызметкерлері, авиа топтар және табиғатты қорғау полициясы қызметкерлері бар жануарлар дүниесін қорғау бойынша авиациямен қарауылдауды жүргізу кезінде тау орманшылығында бұлан (еркек) мүйізі, жанында екі атыс қаруының бірлігі табылды: оның ішінде мотоцикл және ұялы телефон. Аталған факті бойынша ҚР ҚК 337-бабы 1-бөлігі бойынша қылмыстық іс қозғалды.

Қазіргі уақытта заңсыз ауланған үйрек үшін қолданыстағы заңнамаға сәйкес заң бұзушыға 5 АЕК мөлшерінде айыппұл салынады, бұл 13 890 теңгені құрайды, сондай-ақ бекітілген коэффициенттерге сәйкес жануарлар әлеміне келтірілген зиян үшін 20 835 теңге төлеуге тура келеді.

Тыйым салынған аулау құралдарымен балық аулағаны үшін (мысалы, полиамидтен жасалған балық аулау желілері), ҚР 2014 жылғы 5 шілдедегі Әкімшілік құқықбұзушылық туралы Кодексінің 383-бабының 3-бөлігіне сәйкес, құқықбұзушы 20 АЕК мөлшерінде айыппұл түрінде әкімшілік жазаға тартылады, бұл 55 560 теңгені құрайды. Тыйым салынған аулау құралдарымен ауланған балық үшін залал бөлек есептеледі және төленеді. Осы заң бұзушылық жөніндегі хаттама қарау үшін сотқа жіберіледі.

Өсімдіктер мен жануарлар дүниесін қорғауға қатысты барлық сұрақтар бойынша Қарағанды облысы бойынша Қарағанды инспекция бөліміне 41-63-05 телефоны бойынша хабарласуға болады.

Ерік ӘБІШЕВ,

Қарағанды облыстық орман шаруашылығы және жануарлар дүниесі аумақтық инспекциясының бөлім басшысы.