Жерлес балуандар жеңісі

Абай ауданының жас балуандары 11-14 сәуір аралығында Павлодар қаласында қазақ күресінен өткен Қаныш Сәтбаев атындағы республикалық турнирден олжалы оралды.

Ұлы ғалымның туған күніне орай ұйымдастырылған бәсекеге 11 салмақ дәрежесі бойынша еліміздің 11 облысынан 420 балуан қатысқан еді. Үш күнге созылған сайыста абайлық жаттықтырушы Орал Иса дайындаған Жасұлан Кетебаев 65 кг салмақта және топарлық бапкер Қанат Төлепбергеннің шәкірті Аман Әділбек 75 кг салмақта қарсыластарының бәрін жығып, жеңімпаз атанды. Оларға арнайы кубоктар мен медальдар табысталды. Абай ауданы

Ержан ИМАШ,

Ortalyq.kz