Жағдай тұрақталып келеді

Қазақстанда соңғы екі апта эпидемиологиялық ахуал тұрақталып келеді. Тамыз айының басымен салыстырғанда ауырғандар 1,4 есе төмендегенін өткен аптада орталық коммуникациялар қызметіндегі брифинг барысында Денсаулық сақтау бірінші вице-министрі Марат ШОРАНОВ жеткізді. 

Спикердің айтуынша, өткен айда республика бойынша коронавирус инфекциясының таралуы 17%-ға төмендеген.

– Инфекциялық орындардың қолданысы 56%-дан 36%-ға, ал, реанимациялық орындардың жүктемесі 45%-дан 36%-ға азайған. Медициналық қарсы көрсетілімдері жоқ қазақстандықтарды вакциналау жалғасып жатыр. Бүгінгі таңда коронавирусқа қарсы 12,6 миллион доза вакцина қолданылды. Егу орындарында бірінші компоненттен 1 млн. 540 мың доза, екінші компоненттен 880 мың доза бар, – деді М.Шоранов.

12 қыркүйекте Қазақстанда 3 088 адамның коронавирус жұқтырғаны анықталды. Осы уақытқа дейін барлығы  842 587 адам індет жұқтырып, 762 049 адам жазылып шықты.  10 354 адам коронавирустан көз жұмды.