Қылқалам қылынан – ықылымға
Қарағанды облыстық бейнелеу өнері мұражайында Қазақстан Суретшілер одағының 90 жылдығы мен Қарағандының алдағы 90 жылдық торқалы мерейтойына арналған көрме ашылды.
Көрмеге танымал қылқалам шеберлері мен жас суретшілердің 120-ға жуық туындысы тартылған.
– Дәстүр бойынша жыл соңы Суретшілер одағының көрмесімен тәмамдалады. Бұл – есептік көрме, бір жыл ішінде жасалған көркем шығармашылықтың нәтижесі. Мұнда көптеген соны суреттер галереясы бар, – деп атап өтті мұражай директоры Бибігүл Құдабаева.
Еске салалық, Қарағандыдағы Суретшілер одағында 57 суретші мен өнертанушы бар. Олардың дені мемлекеттік наградалармен, халықаралық конкурстар мен фестивальдердің наградаларымен марапатталған.
– Бұл көрмеге Суретшілер одағының 15 шебері мен Қарағандының 17 суретшісінің жұмысы ұсынылды. Көбісі – жастар. Барлығы – 120 жұмыс. Олардың ішінде, менің үш жұмысым – «Қарағанды мегаполисі» екі коллажым және «Сарыарқа Солярисі» бар, – деді Сәулетшілер одағының мүшесі Владимир Троценко.
Көрме бағанында сәндік-қолданбалы өнерге ерекше мән берілген. Атап айтқанда, алғашқы халықтық қолөнер – киіз басу.
– Менің киіз басу техникасындағы екі жұмысым осында. Біреуі – «Шопанның жүрегі» деп аталады, онда күннің батуы мен бір отарды киіз үйге айдап бара жатқан шопанның бейнесі бейнеленген. Екінші жұмыс – «Жайлаудағы таң». Таң алакеуім – менің сүйікті тақырыбым. Кескіндеме бірден бірнеше техникада орындалады: ең алдымен киіз басып, онымен бірге киізден кесте, кілем тігу. Жалпы, менің техникам киіз басудың ежелгі өнерін заманауи көзқараспен синтездеу, – дейді Еуразиялық Дизайнерлер одағының мүшесі Евгения Шульц.
Көзі көркем әлемді сусаған көрермен үшін көрме 25 желтоқсанға дейін жалғасады.
Ерқанат КЕҢЕСБЕКҰЛЫ,
Ortalyq.kz
