Теміртауда 500 бейнебақылау камерасы іске қосылды
Теміртауда халық көп жүретін аймақ пен тығыз орналасқан шағын аудандарға бейнебақылау камералары орнатылды. Одан бөлек, қаланың жарық түспейтін жерлері мен жанармай бекеттеріне де қойылған. Жалпы, қалаға бас аяғы 500 бейнебақылау камерасын іске қосты.
Жанармай бекеттеріне бейнебақылау камераларын қоюдың да өзіндік себептері бар. Осы камералар арқылы тұрмыстық балондарға сұйытылған газ толтыратындарды анықтамақ.
– Тәулік бойы жұмыс істейтін бейнебақылау қажет болған жағдайда жылдам ақпарат алуға, жол қозғалысын бақылауға, төтенше жағдайлардың алдын алуға және қоғамдық тәртіпті сақтауға ықпал етеді.
Теміртауда бұған дейін 800 камера болған. Енді олардың саны 1300-ге жетті. Жаңа камералардың түсіру сапасы жоғары. Әрі жарық түспейтін аймақтарда да жақсы сапада түсіреді. Түсірілген видеолар мен суреттер тікелей жергілікті полиция бөлімінің жедел басқару орталығына түсіп отырады, – деді қала әкімінің қоғаммен байланыс жөніндегі көмекшісі Гүлнұр Әбдіғалиева.
Ербол ЕРБОЛАТ,
Ortalyq.kz
