Бұған «Қарағанды Су» ЖШС алты миллиард теңге бөлген. Қыруар ақша бөлініп, талай жұмыстар атқарылса да, жоғарыдағы көрсеткіштің екі пайызы ғана орындалмақ. «Қарағанды Су» ЖШС балансындағы су құбыры желілерінің жалпы ұзындығы – 1 119 шақырым. Бұған дейін 649,7 шақырымы ауыстырылған. Биыл 2024 жылға арналған инвестициялық бағдарламаның жоспарына сәйкес ұзындығы 25 шақырым болатын су құбыры ауыстырылуда. Ол үшін 2,3 млрд теңге қарастырылыпты. Мамандардың мәлімдеуінше, бұл бағыттағы жұмыстар аяқталуға жақын.

Жөндеу жұмыстары тұрғысын ауқымды әрі күрделі жобаның бірі – Крылов көшесі. Құрамында БАҚ өкілдері, өзге тиісті ұйымдардың мамандары бар топ жөндеу жұмыстарымен арнайы барып танысты.

Степная көшесінен басталып, С.Сейфуллин көшесіне дейінгі аралық бір шақырымнан асар-аспас. Бұл көшеден күні-түні көлік арылмайды. Мамандар су құбырын бұрынғысынша жерді қазып орнатпайды. Жаңа технологиямен төсеп жатыр.

– Қазіргі таңда бұл жердегі құбырлар – GNB, яғни, көлденең бағыттағы бұрғылау әдісімен жүргізілуде. Бұл – құбырларды төсеудің ең қауіпсіз әдістерінің бірі. Бұл әдісті қолданған кезде ландшафт беті өзгеріссіз қалады. Бұл көшенің құбырларының да ауыстырылмағанына талай жыл өткен. Қазір жер астында диаметрі 300 мм болатын болат құбыр жатыр. Енді біз сол болаттың орнына диаметрі 315 мм болатын полиэтилен құбырын орнатамыз. Себебі, Крылов көшесі магистраль. Бұл – мемлекеттік сараптамадан өткен жоба, – деді «Қарағанды Су» ЖШС директоры Ербол Төлеуов.

Яғни, су құбыры толық ауыстырылғанда Крылов, Қ.Аманжолов көшесінің бойындағы, Михайлов аталған қаланың бұл бөлігіндегі үйлер және жолдың қарсы бетіндегі жеке секторлар судан таршылық көрмейді. Жөндеу жұмыстары қазан айының соңына дейін мәреге жетеді деген батыл жоспар бар.

Қарағандыдағы кәріз жүйесіне де жауапты осы компания. Оның баласындағы кәріз желілерінің жалпы ұзындығы – 737 шақырымды құрайды. Компанияның мәлімдеуінше, бұған дейін оның 125,5 шақырымы ауыстырылған екен. Биыл айдың соңына дейін 20,8 шақырымы жаңарады деп күтілуде. Ол үшін қомақты қаржы бөлінген. Атап айтқанда, осы жоғарыда айтылған шақырымға 3,7 млрд теңге жұмсалады.

Елу жылдан бері жөндеу көрмей, жүйесі тозған кәріз желісінің бір бөлігі Гастелло мен Сәтбаев көшелерінің бойында. Елу жыл бұрынғы шойын құбырлар қазіргі таңда полиэтилен құбырларға ауыстырылу үстінде. Бұл желінің ұзындығы бір шақырымнан асып жығылады. Мамандардың айтуынша, құбыр желілері әбден тозған. Тозғандығы сондай ауыстыру кезінде жарылып жатса керек. Кәріз де толып қалған екен.

Бұл жобаның құны – 126 млн теңгені құрайды екен. Мұнда да тұрғындар мен көлік жүргізушілерге қолайсыздық тудырмас үшін көлденең бұрғылау технологиясы қолданылуда.

– Бұл жерді де қазып, көлік жүргізушілердің берекесін алар қолайсыздық туындаған жоқ. Құбыр төсеу жұмыстары көлденең бағыттағы бұрғылау әдісімен жүргізіліп жатыр. Құжатқа қол қойылған бойда бірден жұмысқа кірісіп кеттік. Бұл жерде 20 құдық бар. Әуелі қажетті материалдарымызды жеткізіп алып, құдықты орнаттық. Құдық орнатылғаннан кейін GNB әдісімен 200 мм болатын полиэтилен құбырын жүргіздік. Жалпы, негізгі жұмыстар аяқталды. Қазір ішкі жұмыстар ғана қалып тұр.

1965-1970 жылдары салынған құбыр болғаннан кейін жөндеу жұмыстары барысында сынып жатыр. Әрі кәріз желісі де бітеліп, толып қалыпты, – деді «Ulytay Building» ЖШС атқарушы директоры Айрат Жанайдаров.

Сорғы станциялары да жөндеуден тыс қалмақ емес. Мәселен, қабырғасы қаланғанына биыл елу жыл толған №2 сорғы станциясы бар. Соңғы жиырма жылда бұл станция күрделі жөндеу көрмепті.

Ғимараттың тозығы жеткен. Бүгінде сол ғимаратты да жөндеу қолға алынған. Сырты тегістеліп, арнайы жабынмен қапталады. Төбесі де қалыпқа келтіріледі. Одан бөлек, ішіндегі қуатты сорғылар заман талабына да сай емес. Қазір сорғылардың бірнешеуіне ғана жөндеу жұмыстары жүргізілуде.

Ербол ЕРБОЛАТ,
Ortalyq.kz

Сообщение Жарты ғасырдан кейінгі жаңару появились сначала на «ORTALYQ QAZAQSTAN» газеті.

Төтенше жағдайлар қызметкерлері еріген судың үлкен ағынының өтуін қамтамасыз ету үшін жолдарды жыртуға мәжбүр болған еді. Мұндай жағдайдың қайталанбауы үшін тас жолдардың үш бөлігіне су өткізгіш құбырлар орнатылмақ. Бұл нысандар Нұра ауданындағы Қайнар-Нұра тас жолының 250-ші шақырымында, Шет ауданындағы С.Сейфуллин-Өспен-Ағадыр жолының 19-шы шақырымында және Ағадыр-Мойынты тас жолының 118-ші шақырымында пайда болады. Бұдан басқа, басқарма қолданыстағы су өткізгіштерді ауыстыру және жаңаларын орнату бойынша 40 іс-шара жоспарлағанын хабарлады.

Ілияс ДҮНГЕНБАЙҰЛЫ.

Сообщение Аймақта су тасқыны орын алған тас жолдарға су өткізгіш құбырлар орнатылады появились сначала на «ORTALYQ QAZAQSTAN» газеті.

Мемлекет басшысының айтуынша, бес аймақта, яғни Атырау, Батыс Қазақстан, Шығыс Қазақстан, Ақмола және Солтүстік Қазақстан облыстарында су тасқынының екінші толқыны болуы мүмкін.

Қалған алты облыста, атап айтқанда, Қостанай, Қарағанды, Ақтөбе, Абай, Павлодар, Ұлытауда жағдай тұрақтала бастаған. Мемлекет басшысы адамдарды дер кезінде қауіпсіз жерге көшіру және қарғын судан зардап шеккен азаматтарға қажетті көмек беру қазіргі басты міндет екеніне назар аударды.

Президент өзінің тапсырмасы бойынша мемлекеттік материалдық резервтен арнаулы техника және басқа да жабдықтар алуға рұқсат етілгенін айтты.

– Мен шығынды өтеу үшін тиімді тәсілдер қарастыру туралы нақты тапсырма бердім. Бұл мақсатқа бюджет қаражатымен қатар «Қазақстан халқына» қоры мен ірі бизнес өкілдері бөлген қаржы жұмсалады. Сондай-ақ тағы бір өте маңызды мәселе. Бұл – су басқан аймақтардағы эпидемиологиялық ахуал. Жағдайды қатаң бақылауда ұстау қажет, – деді Қасым-Жомарт Тоқаев.

Ол сондай-ақ көктемгі егіс науқанына да дайындалу керек екенін атап өтті.

– Су астында қалған елді мекендерде ешқандай заң бұзушылыққа жол бермеу қажет. Менің тапсырмаммен Үкімет басшысы және оның орынбасарлары қазір аймақтарда жүр. Олар жағдай тұрақталғанша барлық жұмысты үйлестіреді, елмен бірге болады, – деп түйіндеді Президент.

Материалды әзірлеген Ербол ЕРБОЛАТ.

Сообщение Мемлекет басшысы: Бес аймақта су тасқынының екінші толқыны болуы мүмкін появились сначала на «ORTALYQ QAZAQSTAN» газеті.

Қарағанды облысы ҚХА мүшесі, «Имсталькон» АҚ директорлар кеңесінің төрағасы Иван Георгиади су тасқынымен күресуге 30 млн. теңге бөлді. ҚХА мүшесі, облыстық «Эребуни» армян мәдени орталығының төрағасы Артур Навасардян – 1 млн. теңге, ҚХА мүшесі Шамиль Осин – 800 мың теңге, ҚХА мүшесі, Нұра ауданы «Шахтерское» ЖШС директоры Георгий Прокоп – 500 мың теңге көлемінде көмек көрсетті.

Сонымен қатар, бүгін қабылдау пунктіне облыстық кәсіпкерлер палатасы – 2 тонна, «Атамекен» ЖШС – 1 тонна, «Дарад» ЖШС – 1 тонна ұн түріндегі гуманитарлық көмек жеткізген. «Дамир АА» ЖШС болса 500 келі макарон өнімдерін әкелді. Жеке кәсіпкер Тайбагорова 1 тоннадан астам азық-түлік өнімін, 315 бөтелке күнбағыс майын, 25 қорап тез дайындалатын кеспе жеткізді. Ал, «WEC Trade» ЖШС – 240 келі жуғыш заттармен қамтамасыз етті.

Естеріңізге сала кетейік, көмек ағымдағы жылдың 20 сәуірін қоса алғанда күн сайын (жексенбіден басқа) сағат 09.00-ден 17.00-ге дейін қабылданады.

Достық үйі өкілдерінің байланыс телефондары: 8707 872 89 28, 8 775 921 19 20.

Зардап шеккендерге көмек ретінде келесідегідей заттар: резеңке қайықтар, плащтар, ұйықтайтын қаптар, резеңке етік, матрацтар, жастықтар, көрпе, төсек-орын, электр құралдары, азық-түлік қажет.

Қаржылық көмек көрсеткісі келетіндер үшін шот мәліметтері:
Атауы: «КОФ» ҚР ҚЫЗЫЛ ЖАРТЫ АЙ ААҚ
ЖСН(БСН): 950241002154
КБ: 18
Банктің атауы: «Қазақстан Халық Банкі» АҚ
BIC: HSBKKZKX
IIC: KZ056017191000006681

Ербол ЕРБОЛАТ,
Ortalyq.kz

Сообщение «Жүректен-жүрекке»: кәсіпкерлер де қалыс қалмады появились сначала на «ORTALYQ QAZAQSTAN» газеті.

«ҚазАвтоЖол» ҰК» АҚ мәліметінше, бұл учаскеде тым көп жағдайда жұмыс істеп тұрған 4-тен 2,5 метрге дейін су өткізгіш құбыр бар.

Бүгінде еріген судың деңгейі төмендеп, елдімекенді су басу қаупі сейілген.

«KAZHservice» ЖШС Қарағанды облыстық филиалының ДЭУ-45 құрылымдық бөлімшесі учаскені қалпына келтіру жұмыстарын жүргізді. Осының нәтижесінде 3 сәуір күні таңғы сағат 09:00-ден бастап көліктің барлық түріне арналған қозғалыс шектеулері алынып тасталды.

Ілияс ДҮНГЕНБАЙҰЛЫ

Сообщение Бастау ауылынан Теміртауға дейінгі жол ашық появились сначала на «ORTALYQ QAZAQSTAN» газеті.

– Қазіргі кезде әкімдіктер жергілікті жерлерде қажетті көмек көлемін анықтауда. Бұл бастама Үкімет тарапынан қабылданып жатқан қолдау шараларымен, бизнес өкілдері және белсенді азаматтардың көмегімен бірлесе отырып, табиғи апаттың салдарын тезірек қалпына келтіруге ықпал етеді деп үміттенеміз, – делінген хабарламада.

Материалды әзірлеген Ербол ЕРБОЛАТ.

Сообщение «Самұрық-Қазына» қоры қолдау көрсетеді появились сначала на «ORTALYQ QAZAQSTAN» газеті.

«Сұраныс қатаң болады»

Президент Қасым-Жомарт Тоқаевтың төрағалығымен 1 сәуірде су тасқынына қарсы іс-шараларды үйлестіру және су тасқыны кезеңінің салдарын жою жөніндегі республикалық штабтың отырысы өтті.

Мемлекет басшысы өз сөзінде 2024 жылғы су тасқыны 2012 және 2017 жылдардағы су тасқынынан асып түскеніне тоқталды. Бұл – соңғы отыз жылда болған ең ірі тасқын.

Одан бөлек, Қасым-Жомарт Кемелұлы Үкімет бекіткен Су ресурстарын басқару жүйесін дамытудың 2030 жылға дейінгі тұжырымдамасын сынға алды. Айтуынша, тұжырымдаманы жүзеге асыру жөніндегі іс-қимыл жоспары декларативтік сипатқа ие. Құжат су тасқыны салдарынан болатын шығынның алдын алу және азайту мәселесін кешенді түрде шешуге мүмкіндік бермейді. Сондықтан, тұжырымдаманы қайта қарау жөнінде міндет жүктелді.

– Құзырлы мекемелер, яғни әкімдіктер, Төтенше жағдайлар министрлігі, Су ресурстары министрлігі бірлесіп жұмыс жасамайды. Жауапкершілік алудан қашады. Жұмысты бір-біріне сілтеп отырады. Жағдай осылай жалғасатын болса, тиісті қызметкерлерді лауазымынан босату қажет. Ең басты критерий – мемлекеттік қызметшілердің тиімділігі. Мемлекеттік органдар және әкімдіктер арасында нақты әрі тұрақты байланыс алгоритмі жоқ. Тиісті министрлік еліміздің табиғи апаттарға дайындығын қадағалап отыруы қажет. Бұл – министрліктің негізгі мақсаты. Осы мәселеге баса назар аудару керек. Министрлік гидротехникалық және басқа да маңызды нысандардың жағдайын тексеріп, шынайы мәлімет беріп отыруға тиіс, – деді Қасым-Жомарт Тоқаев.

Президент су тасқынына қарсы күрес мәселесінде халықаралық тәжірибеге назар аударуға және басқа елдердің су тасқынымен қалай күресетінін мұқият зерттеуге шақырды.

Отырыс барысында Қасым-Жомарт Тоқаев Қазақстанда су ресурстары және ирригация бойынша техникалық мамандар жетіспейтінін атап өтті. Үкіметке бұл мәселе бойынша жедел шешім қабылдау тапсырылды.

– Тағы да қайталаймын. Барлық шенеуніктер су тасқынының алдын алуға тікелей жауапты болуы керек. Үкімет алдында жұмыс өте көп. Сұраныс қатаң болады, – деп түйіндеді сөзін Президент.

Тасқын қатаң бақылауда

Жергілікті ауқымдағы табиғи сипаттағы төтенше жағдай жарияланған Шет ауданының Қайрақты, Ақсу, Красная Поляна, Деріпсал елді мекендерінде 292 адам эвакуацияланды. Оның 114-і – бала. Эвакуацияланғандар қауіпсіз жерлерде, қауіп-қатер мен су деңгейі төмендеген уақытта тұрғындарды тұрғылықты жерлеріне қайтару мәселесі қарастырылады.

Төтенше жағдайлар департаментінің мәліметінше, гидротехникалық құрылыстар штаттық режимде жұмыс істейді. Ал, толып кетуді болдырмас үшін су шығару жұмыстары жүргізіледі.

Облыстағы Самарқанд, Ынтымақ, Шерубай-Нұра сияқты ірі су қоймаларынан төгінділердің ұлғаюына байланысты су төгетін жерден төмен орналасқан Абай, Бұқар жырау және Нұра аудандарының 28 елді мекендерінде біліктерді нығайту және құм толтырылған қаптарды төсеу бойынша іс-шаралар жүргізілуде. Тәулігіне барлығы 5190 қапшық төселіп, 13500 текше метр су сорылды.

Нұра ауданындағы Нұра ауылының Құндыз­ды өзенінің үш учаскесінде мұз кептелістерінің алдын алу мақсатында ауданы 8000 шаршы метр аумақта мұз жару жұмыстары жүргізіледі. Одан бөлек, мұз кептелістерінің алдын алу мақсатында Осакаров ауданының Николаев ауылындағы Сабырқожа өзенінде мұзды ұсақтау жұмыстары жүргізіледі.

Жол учаскелері жабық

Жол төсемінің шайылып кетуіне және еріген сулардың жол бөлігі арқылы төгілуіне байланысты республикалық автожолдардың екі учаскесі, облыстық және жергілікті маңызы бар бір учаскесі жабық күйінде қалып отыр.

Ақтоғай ауданында «Ақтоғай-Нұркен» жолының 57 шақырымында еріген су ені 6 метр, тереңдігі 2 метр жол төсемін шайып кеткен. Жол учаскесі жабылды, Ақтоғай кенті арқылы баламалы жол бар.

Ал, Қарқаралы ауданында, «Егіндібұлақ-Қоянды-Бүркітті» жолының 67 шақырымында еріген қар суының қарқынды түсуіне байланысты жол төсемі шайылды. Шайылып кеткен жердің ені – 10 метр, тереңдігі – 20 сантиметр. Жол учаскесі жабық.

«Шет ауданы, «Ақой-­­­­­С.Сей­фуллин-Ақсу-Аюлы-­Ақтоғай-Балқаш» облыстық маңыздағы автожолдың 134 шақырымында қардың еруі нәтижесінде жол бойынан су асып кетті (ені – 200 м, тереңдігі – 30 см). Жолдың бұл бөлігі жабық, облыстық жол арқылы баламалы бағыт бар. Шет ауданы, Нұраталды ауылдық округі, Шопа ауылына кіреберіс жолында қар еріп, Шерубай-Нұра өзені деңгейінің көтерілуі нәтижесінде су тасқыны (ені – 300 м, тереңдігі – 20 см) орын алды. Шопа ауылына жол жүру шектелген», – деген хабар таратты облыстық төтенше жағдайлар департаменті.

Бұқар жырау ауданында «Қарағанды-Аягөз-Бұғаз» автожолының 44 шақырымында еріген судың қарқынды түсуіне байланысты су толып, жолды шайып кетті. Ұзындығы – 300 метр, ені – 40 метр, тереңдігі – 15 сантиметр. Қозғалыс Қарағанды қаласынан Бастау кентіне дейін шектелген.

– Аталған тас жолдарда төтенше жағдайлар департаменті мен полиция қызметкерлері жолдарды жабу және қауіпсіздікті қамтамасыз ету мақсатында күшейтілген режимде жұмыс атқаруда. Жалпы облыс бойынша су тасқыны кезінде жол жабу үшін облыстың полиция департаментінің 86 жеке құрамы және 42 техника жұмылдырылды. Облыс жолдарында шамамен 350 жеңіл, 320 жүк және 26 қоғамдық көлік, сондай-ақ 3 мыңнан аса жүргізуші мен жолау­шылар қалып қойды. Төтенше жағдайлар департаменті және жергілікті атқарушы билік өкілдері қауіптің алдын алу мақсатында ауқымды жұмыстар атқаруда, – дейді облыстық полиция департаменті жергілікті полиция қызметі басқармасының инспекторы Дәулет Қонақбаев.

Бір тәулік ішінде апат аймақтарында 5 190 қап төселіп, 13 500 текше метр су сорылғанын айту керек. Жұмыстарға жеке құрамның 273 адамы және 23 техника жұмылдырылды.

Су тасқыны жағдайы қатаң бақылауда. Облыста жедел штаб су тасқыны жағдайын тәулік бойы қадағалап отыр. Барлық қызметтер күшейтілген жұмыс режиміне ауыстырылды.

«Облыс тұрғындарын су басу және еріген судың жиналу қаупі туралы (8-7212) 43-36-36, 43-37-37, 112 телефондары арқылы хабарлауларыңызды сұраймыз», – дейді төтенше жағдайлар департаменті.

Салтанат ІЛИЯШ,
Ortalyq.kz

Сообщение «Тасқын су, сенде бір мін бар…» появились сначала на «ORTALYQ QAZAQSTAN» газеті.

Гидротехникалық құрылыстар штаттық режимде жұмыс істейді, толып кетудің алдын алу мақсатында су төгінділері жүргізіледі.

Аймақтағы ірі су қоймаларынан (Самарқанд, Ынтымақ, Шерубай-Нұра) төгінділердің ұлғаюына байланысты қауіп те жоқ емес. Су төгетін жерден төмен орналасқан Абай, Бұқар жырау және Нұра ауданының 28 елді мекенінде қауіпсіздік шаралары қолға алынып, тиісті іс-шаралар жүргізілуде.

Тәулігіне 5 190 қапшық төселіп, 13 500 текше метр су сорылды. 273 адам, 23 бірлік техника жұмылдырылды. Қазір Нұра ауданына 217 адам, 19 бірлік, Бұқар жырау ауданында 53 адам, 2 бірлік, Абай ауданында 3 адам, 2 бірлік техника жұмыс істеуде.

Нұра ауданы Нұра ауылының Құндызды өзенінің үш учаскесінде мұз кептелісі болу қаупі бар. Қауіптің алдын алу үшін бүгін ауданы 8 000 шаршы метр болатын мұз жару жұмыстары жүргізіледі. Сонымен қатар, Осакаров ауданы, Николаевка ауылындағы Сабырқожа өзенінде мұзды ұсақтау жұмыстары жүргізіледі.

Ербол ЕРБОЛАТ,
Ortalyq.kz

Сообщение Су тасқыны: жағдай тұрақталып келеді появились сначала на «ORTALYQ QAZAQSTAN» газеті.

Елді мекендердің аумағына еріген судың кіруінің екі жағдайы тіркелді (Ақтоғай ауданы Абай ауылы, Абай ауданы Құлайғыр ауылы). Аталған елді мекендердегі тұрғын үйлерді су басу фактілері тіркелген жоқ.

1. Ақтоғай ауданы, Абай ауылы, қардың қарқынды еруі нәтижесінде Абай ауылына дала мен беткейлерден еріген судың ағу фактісі тіркелді. Қазіргі уақытта Төтенше жағдайлар департаменті мен ЖАО күштері аталған елді мекен арқылы еріген судың жолын қап төсеу арқылы бөгеуде. Тұрғын үйлерді су басуға жол берілмеді, тұрғындар эвакуацияланбады. Жағдай бақылауда.

2.Абай ауданы, Құлайғыр ауылы, қардың қатты еруінің нәтижесінде даладан еріген су Құлайғыр ауылына дейін кірді. Қазір Төтенше жағдайлар департаменті мен ЖАО күштері қап контейнерлерді төсеу және еріген суды өткізу шараларын жүргізуде. Тұрғын үйлерді су басуға жол берілмеді, тұрғындар эвакуацияланбады. Жағдай бақылауда.

Су басу жағдайлары:

1. Бұқар жырау ауданы, Көкпекті ауылдық округі, Сарытөбе ауылы, Нұра өзеніндегі су деңгейінің көтерілуіне байланысты Төтенше жағдайлар бөлімінің, 52859 әскери бөлімінің, жергілікті атқарушы органдарының және жергілікті халықтың күштерімен ауылдағы тұрғын үйлердің су басуын болдырмау, қорғаныш оқпанын салу, қап контейнерлерін дайындау және төсеу жұмыстарын жүргізді. Су басқан үйлер жоқ. Тұрғын үйлерді су басуға жол берілмеді, тұрғындар эвакуацияланбады. Жағдай бақылауда.

2. Бұқар жырау ауданы, Көкпекті с/о, Көкпекті ауылы, Көкпекті өзеніндегі су деңгейінің көтерілуіне байланысты Төтенше жағдайлар бөлімінің, 52859 әскери бөлімінің, ЖАО және жергілікті халықтың күшімен, елді мекендегі тұрғын үйлерді су басудың алдын алу, қорғаныс білігін тұрғызу бойынша жұмыстар жүргізілді, 500-ге жуық қап инертті материал төселді. Тұрғын үйлерді су басуға жол берілмеді, тұрғындар эвакуацияланбады. Жағдай бақылауда.

3. Осакаров ауданы, Пионер ауылдық округі, Пионерское ауылы, Есіл өзеніндегі су деңгейінің көтерілуіне байланысты Төтенше жағдайлар бөлімінің, жергілікті өзін-өзі басқару органдарының және жергілікті халықтың күшімен тұрғын үйлерді су басуының алдын алу мақсатында. кенттегі ғимараттарды, қорғаныс оқпанын салу, қаптарды дайындау және орау жұмыстары жүргізілуде. Тұрғын үйлерді су басуға жол берілмеді, тұрғындар эвакуацияланбады. Жағдай бақылауда.

Шерубай-Нұра өзені су деңгейінің болжамды көтерілуіне байланысты Қайрақты ауылындағы төтенше жағдайлар жасағы (ауылда 27 үй бар) алдын ала 67 адамды, оның ішінде 32 бала эвакуациялады. Ақсу-Аюлы ауылындағы туыстарына орналастырылды. 9 үйді су басқан.

Қардың қарқынды еруі нәтижесінде Шерубай-Нұра өзенінде су деңгейінің жоғарылауы байқалды, Красная Поляна кентіндегі 6 үйді (610 адам, 150 шаруашылық) су басу қаупі бар. Оқиға орнында жергілікті билік пен төтенше жағдайлар қызметі кезекшілік етті.

Красная Пляна ауылдық округіне қарасты Деріпсал ауылындағы Шерубай-Нұра өзенінде су деңгейінің көтерілуіне байланысты 1 үйді су басып, үй иесі көрші үйге көшірілді. 3 ауланы (6 адам) су басу қаупі бар. Жергілікті билік пен аудандағы төтенше жағдайлар қызметінің күштері оқиға орнында күзет жүргізді.

Нұраталды ауылдық округіне қарасты Ақсу ауылындағы Шерубай-Нұра өзенінде су деңгейінің көтерілуіне байланысты (262 адам, 61 шаруашылық) 24 үйді (119 адам) су басты. Жергілікті билік пен төтенше жағдайлар қызметі адамдарды эвакуациялауда.

Облыстық маңызы бар жолдарда су тасқыны тіркелді, оның ішінде: Республикалық жолдардың 4 учаскесі, аудандық маңызы бар жолдардың 4 учаскесі, 2 жергілікті маңызы бар жолдар:

1. Шет ауданы, республикалық маңызы бар «Алматы – Екатеринбург» автожолында, жолды кесіп өткен су тасқыны тіркелді (ені 150 м, тереңдігі 15 см). Бұл аумақ барлық көлік түрлері үшін жабық. ТЖД және ПБ күштері кезекшілік ұйымдастырды. Елді мекенді су басу қаупі жоқ.

2. Абай ауданы, республикалық маңызы бар «Қызылорда – Павлодар» автомобиль жолының учаскесінде (872-891 км, Красная Поляна ауылы – Құлайғыр ауылы) судың толып кетуіне байланысты көліктің барлық түрлері үшін қозғалыс жабылды.

3. Нұра ауданы, «Астана-Қабанбай батыр-Нұра-Теміртау» республикалық маңызы бар автомобиль жолының 104-108 км учаскесінде еріген судың қарқынды ағыны салдарынан су тасқыны (ені 700 м, тереңдігі 35) болды. см). Жолдың бұл бөлігі жабық. Елді мекенге қауіп жоқ, ПБ және ТЖД кезекшілікте.

4. Бұқар жырау ауданы, республикалық маңызы бар «Қарағанды-Аягөз-Бұғаз» автожолының 44 шақырымында еріген судың қарқынды ағуынан су тасқыны (ені 40 м, тереңдігі 6-7 см) орын алды. Жолдың бұл бөлігі жабық. Елді мекенге қауіп жоқ, ДЭУ 48 кезекшілікте.

5.Осакаров ауданы, аудандық маңызы бар «Осакаров-Молодежное» тас жолы еріген судың ағуы нәтижесінде жол бойынан тасқын пайда болды (ені 30 м, тереңдігі 20 см) Көлік құралдары өте алады.

6. Ақтоғай ауданы, «Ақтоғай – Нүркен» аудандық маңызы бар жолдың учаскесі жабық, Ақтоғай ауылы арқылы балама жол бар.

7. Қарқаралы ауданы, жолдағы судың толып кетуіне байланысты «Егіндібұлақ-Қоянды-Бүркітті» аудандық маңызы бар автомобиль жолының (0-153 км, Қоянды ауылы – Егіндібұлақ ауылы) учаскесінде көліктің барлық түрлері үшін қозғалыс жабылды.

8. Шет ауданы, «Ақой-С.Сейфулин-Ақсу-Аюлы-Ақтоғай-Балқаш» облыстық маңызы бар 134 шақырымында қардың еруі нәтижесінде жол бойынан су асып кетті (ені 200 м, тереңдігі 30 см). Жолдың бұл бөлігі жабық, облыстық жол арқылы баламалы бағыт бар.

9. Қарқаралы ауданы, облыстық маңызы бар «Нұркен – Жаңатоған» тас жолында еріген судың үлкен көлемінің ағуы нәтижесінде ені 10-15 м, тереңдігі 1,5-2 м жол бөлігі пайда болды.Жол учаскесі жабылды. , олар оқиға орнында ТЖД және ЛЭБ қызметкерлері кезекшілікте.

10. Шет ауданы, Нұраталдық ауылдық округі, Шопа ауылына кіреберіс жолында қар еріп, Шерубай-Нұра өзені деңгейінің көтерілуі салдарынан арнасынан асып кету (ені 300 м, тереңдігі 20 см-ге дейін, 8 құбыр бар) болды. диаметрі 1000 мм , 3 құбыр диаметрі 1500 мм). Шопа ауылына жол жүру шектелген. Төтенше жағдайлар департаментінің қызметкерлері керек болған жағдайда тұрғындарды паромға шығару үшін кезекшілік етті. Жағдай жергілікті биліктің бақылауында, азық-түлік пен дәрі-дәрмек ауылда бар. Елді мекенге қауіп төніп тұрған жоқ.

Қарағанды облысындағы барлық су тасқыны жағдайы тұрақты бақылауда, Төтенше жағдайлар департаментіндегі су тасқынына қарсы штаб тәулік бойы жұмыс істейді.

Материалды әзірлеген Ербол ЕРБОЛАТ.

Сообщение Су тасқыны: жағдай жіті бақылауда появились сначала на «ORTALYQ QAZAQSTAN» газеті.

Абай ауылында еріген қар суы арнасынан асып, дала жайлап кеткен. Төтенше жағдайлар департаменті мен жергілікті атқарушы органдар еріген қар суын тұрғын үйлерге жібермеу үшін күш салып жатыр. Су арнасын бұрып, қап толы құм төсеуде. Қазір жағдай бақылауда.

Ал, Абай ауданында да еріген қар суы мөлшерден көп болып, Құлайғыр ауылына дейін су кіріп кеткен. Қуанышқа орай, тұрғын үйлерді су басу фактісі тіркелмеді. Департамент мамандары мен жергілікті атқарушы органдар тиісті жұмыстарды атқаруда.

– Шет ауданы, республикалық маңызы бар «Алматы – Екатеринбург» автожолында, Ақсу-Аюлы ауылында жол бойынан су өту (ені 150 м, тереңдігі 15 см) тіркелді. Көлік қозғалысы бұзылмаған.

Абай ауданы, «Қызылорда – Павлодар» республикалық маңызы бар автомобиль жолының учаскесінде (Красная Поляна ауылы – Құлайғыр ауылы арасындағы учаскеде) судың толып кетуіне байланысты көліктің барлық түрлері үшін қозғалыс жабылды.

Ақтоғай ауданы, «Ақтоғай – Нүркен» аудандық маңызы бар жолдың учаскесі жабық, Ақтоғай ауылы арқылы балама жол бар.

Нұра ауданы, облыстық маңызы бар «Қорғалжын-Баршино-Шұбаркөл-Қызылжар» тас жолында су тасқыны тіркелді. Жолаушылар көлігінің қозғалысы тоқтатылды.

Қарқаралы ауданы, жолдан судың өтуіне байланысты «Егіндібұлақ-Қоянды-Бүркітті» аудандық маңызы бар автомобиль жолының учаскесінде (Қоянды ауылы – Егіндібұлақ ауылы) көліктің барлық түрлері үшін қозғалыс жабылды.

Қарқаралы ауданы, облыстық маңызы бар «Нұркен – Жаңатоған» тас жолында еріген судың үлкен көлемінің ағуы нәтижесінде ені 10-15 м, тереңдігі 1,5-2 м жол бөлігі пайда болды. Жол учаскесі жабылды, олар оқиға орнында ПБ және ЖАО қызметкерлері кезекшілікте, – деді облыстық төтенше жағдайлар департаменті мамандары.

Қазір жағдай толық бақылауда.

Ербол ЕРБОЛАТ,
Ortalyq.kz

Сообщение Өңірде су деңгейі көтерілді появились сначала на «ORTALYQ QAZAQSTAN» газеті.