«Шахтерде» біршама өзгерістер орын алды

«Шахтер» футбол клубының жартылай қорғаушылары Юрий Перух, Темур Чогадзе және шабуылшы Роман Мұртазаев бұдан былай «Шахтер» жейдесінде ойнамайды.

Аталмыш футбол клубының баспасөз қызметі ресми түрде осы ойыншылардың клубтан кеткенін мәлімдеді.

– Клубта өткізген уақытымды бағалаймын. Бәрі үшін алғыс айтамын. Естен кетпес керемет маусымым да осы клуб сапында өтті. Жанкүйерлеріме ерекше алғыс айтамын. Қолдауларыңыз маған үлкен шабыт берді. Клубтың жаттықтырушылар штабы мен басшылығына да ерекше алғыс айтқым келеді. Өзімді көрсетуге мүмкіндік беріп, қалыптасуыма ықпал етті, – деді Юрий Перух.

Ербол ЕРБОЛАТ,
Ortalyq.kz