«Roboland 2018» басталды

Кеше Қарағандыда IV халықаралық робототехника, бағдарламалау және инновациялық технологиялар фестивалі басталды. Бағдарламасы жылда жаңаратын фестивальге ұйымдастырушылар биыл жоғары талап қойып, күрделі тапсырмалары бар санаттар қосты. Сондай-ақ, әлемдік беделді спикерлерді шақырып, аталымдар санын 32-ге дейін арттырған.

Биылғы фестивальге 771 команда қатысады, оның ішінде 754-і – Қазақстаннан, 13-і – Ресейден, 1-еуі – Қырғызстаннан, 3-еуі – Польшадан. Ал, қонақтар Ресей және Грекиядан шақырылған.

Халықаралық робототехника, бағдарламалау және инновациялық технологиялар фестивалі туралы кеңейтілген ақпаратты газетіміздің келесі санынан оқитын боласыздар.

Аяулым СОВЕТ.