Облыс аумағында экологиялық сенбіліктер жалғасуда

Елімізде 8 сәуірден бастап «Таза Қазақстан» ауқымды акциясы басталды. Акцияның үшінші аптасы 22-27 сәуір аралығында «Жасыл аймақ» тақырыбында көшет отырғызу, ағаштарды әктеу жұмыстарына арналады.

Бүгін акция аясында Осакаров ауданы Есіл ауылының тұрғындары ағаштар отырғызды.

Сондай-ақ Бұқар жырау ауданының тұрғындары акцияны қолдай отырып, белгіленген аумақтарда тазалық жұмыстарын жүргізді.

Республикалық экологиялық акция апталығын Саран қаласының тұрғындары да қолдап, аулаларына көшеттер отырғызды.

Аида РАХЫМҚҰЛОВА,

Ortalyq.kz