Ленин шахтасындағы төтенше жағдай: инвесторға қатысты іс тоқтатылды
Шахтинск қаласы Ленин атындағы шахтадағы төтенше жағдайға қатысты сот отырысы басталды.
Іс бойынша төрт айыпталушы бар. Олар шахтаның бас инженері, желдету және қауіпсіздік учаскесі бастығының міндетін атқарушы, учаске бастығының көмекшісінің міндетін атқарушы және қауіпсіздік техникасы және ауысым бастығы. Оларға «Абайсызда адам өліміне әкеп соқтырған тау-кен жұмыстарын жүргізу кезінде қауіпсіздік ережелерін бұзды» деген айып тағылып отыр.
Мамандар сегіз жылға дейін бас бостандығынан айырылуы мүмкін. Қайғылы оқиға 2022 жылдың қараша айында болған. Бұрғылау жұмыстары кезінде кенеттен метанның бөлінуі орын алып, бес кенші қаза тауып, төртеуі жараланған болатын. Үкіметтік комиссия жұмыс берушіні 100% кінәлі деп тапты. Ал бүгін Қарағанды облысының прокуратурасы мәлімдегендей, шетелдік инвесторға (ArcelorMittal) қатысты тергеу «халықаралық тапсырмаға байланысты тоқтатылған». Негізгі сот отырысы 16 қаңтарда өтпек.
Ілияс ДҮНГЕНБАЙҰЛЫ.
