Дарынды шәкірттеріміз де барады

      Әлем көз тіккен «ЭКСПО – 2017» Халықаралық көрмесі есігін айқара ашты. Көрменің тақырыбы – тым өзекті, ғалам үшін маңызды. Ол – «Болашақтың энергиясы!».

Біздің №15 мектеп-лицей ұжымы мен оқушыларымыз да көрмені көзбен көріп қайтуға бел буды.

Білім ұясының дарынды ұл-қыздары маусым айының соңында Астанаға жол тартады. Көрмедегі жаңа бастамалармен танысып, тың идеялардан ой түю үшін.

Бұл көрме – Ұлы Қазақстан тарихындағы ең көлемді жобалардың бірі. Менің ойымша, көрме білімге, ғылымға құштар жас буынды шын мәнінде ынталандырады. Жаңа биікке жетелейді.

Мектеп-лицей директоры Қарлығаш Дүбірбекованың бастамасымен оқушыларымыз көптеген республикалық, халықаралық байқауларға қатысып, бақтарын сынап жүр. Жетістіктеріміз мол.

«ЭКСПО – 2017» көрмесімен танысу да жемісті, жеңісті жолдарымызды жаңғыртпақ!

Сымбат СҮЛЕЙМЕНОВА,

15 мектеп-лицей

директорының орынбасары, эдвайзер.

Балқаш қаласы

Пікір қалдыру

Сіздің e-mail жарияланбайды. Толтырылуы міндетті *

This site uses Akismet to reduce spam. Learn how your comment data is processed.