Жаңалықтар
Қазақстанның Әзербайжандағы Елшісі лауазымына Әлім Байел тағайындалды
Мемлекет басшысының Жарлығымен Әлім Дәуренұлы Байел Қазақстан Республикасының Әзербайжан Республикасындағы Төтенше және Өкілетті Елшісі лауазымына тағайындалды.
Әлім Дәуренұлы Байел 1984 жылы туған. Таяу Шығыс техникалық университетін (Анкара қ., Түркия) бизнес-әкімшілік мамандығы бойынша тәмамдаған. Джордж Вашингтон университетінің (Вашингтон қ., АҚШ) мемлекеттік басқару саласындағы магистратурасын бітірген.Қазақстан Республикасы Президенттік жастар кадр резервінің құрамында.
2012 – 2014 жж. – Түркітілдес мемлекеттер ынтымақтастық кеңесінің сарапшысы;
2014 – 2015 жж. – Түркі академиясының халықаралық қатынастар орталығының директоры;
2016 ж. – ҚР Мемлекеттік қызмет істері министрлігінде халықаралық ынтымақтастық басқармасының басшысы;
2016 – 2018 жж. – ҚР Мемлекеттік қызмет істері және сыбайлас жемқорлыққа қарсы іс-қимыл агенттігінде халықаралық ынтымақтастық басқармасының басшысы, стратегиялық әзірлеу басқармасының басшысы;
2018 – 2020 жж. – ҚР Түркиядағы Елшілігінің саяси мәселелерге жауапты бірінші хатшысы;
2020 ж. 1 наурыздан бастап – Қазақстан Республикасының Ыстанбұлдағы Бас консулы.
