Қарағандыда турникке тартылудан 1 миллион теңгелік турнир өтеді
Қарағанды тұрғындары мен спорт сүйер қауымды Fest KrgTartylu турникке тартылу турниріне қатысуға шақырады. Жарыс 20 маусым күні сағат 18:00-де Қарағанды қаласының Орталық саябағында өтеді.
Турнирге 14 пен 35 жас аралығындағы барлық ниет білдірушілер қатыса алады. Қатысушылар бірнеше санат бойынша сынға түседі.
Ерлер үш салмақ дәрежесінде бақ сынайды:
* 67,5 келіге дейін;
* 67,5 келіден 82,5 келіге дейін;
* 82,5 келіден жоғары.
Әйелдер үшін абсолюттік салмақ дәрежесі қарастырылған.
Турнирдің жалпы жүлде қоры 1 миллион теңгені құрайды. Жеңімпаздар мен жүлдегерлер медальдармен және сертификаттармен де марапатталады.
Қатысу үшін алдын ала тіркеуден өту қажет. Тіркелу @qaragandy_jastary Instagram парақшасы арқылы немесе Powertable платформасында жүргізіледі.
Жарыс күні қатысушылар салмақ дәрежесін растау үшін сағат 16:30-дан 18:00-ге дейін өлшеуден өтуі тиіс.
Көрермендерді сағат 18:00-ге шақырады. Дәл осы уақытта турнирдің негізгі кезеңі басталады.
Материалды әзірлеген Аида РАХЫМҚҰЛОВА
