Қарағандыда шахта апатынан зардап шеккендер ауруханаға жеткізілді

“АрселорМиттал Теміртау” АҚ АД Ленин атындағы шахтаның зардап шеккен 4 қызметкері Шахтинск қаласының орталық ауруханасына жеткізілді, деп хабарлайды Ortalyq.kz

Зардап шеккендерге метанмен улану диагнозы қойылған. Зардап шеккендердің екеуі Х.Мақажанов атындағы көпсалалы аурухананың токсикологиялық бөлімшесіне ауыстырылды. Уланудан басқа әртүрлі дәрежедегі жарақат алған тағы екі адам Шахтинск қаласындағы ауруханаға жеткізілді. Консилиум өткізу үшін санавиация бригадасымен Мақажанов ауруханасының 2 нейрохирург және 2 реаниматолог мамандары келді.