Жаңа жылдық көрме
Жас натуралистер станциясында алғаш рет «Жаңа жыл ғажайыптары» тақырыбында қалалық шығармашылық көрме-байқауы өткізілді.
Аталған іс-шараға қаланың 28 мектебінен барлығы 400-ге жуық оқушы қатысты. Байқаудың қорытындысында ұсынылған жұмыстарға баға беру – қалалық білім бөлімінің эстетикалық бағыт әдіскері Ж.Дюсембина, №1 балалар көркемөнер мектебінің қосымша білім беру педагогі А.Шапошев, сонымен қатар Қазақтұтынуодағы Қарағанды Экономикалық Университеті «Экономика және басқару» факультетінің «Экология және бағалау» кафедрасының оқытушысы б.ғ.к., доцент Н.Дузбаева байқаудың жеңімпаздарын анықтады.
Жас натуралистер станциясында жеңімпаздарды марапаттау құрметіне арналған мерекелік бағдарлама өткізіліп, байқаудың барлық қатысушыларына сертификат беріліп, жетекшілеріне Алғыс хаттар табысталды.
Айсұлу Мусатаева,
Жас натуралистер станциясы,
директордың әдістемелік жұмыстар
жөніндегі орынбасары.
ҚАРАҒАНДЫ қаласы
