Жаңа жыл мерекесінде ХҚКО-лар қалай жұмыс істейді?
«Азаматтарға арналған үкімет» мемлекеттік корпорациясының баспасөз қызметі Жаңа жыл мерекесіне байланысты Қазақстандағы ХҚКО мен арнайы ХҚКО 2025 жылдың 1 қаңтары мен 3 қаңтары аралығында жұмыс істемейтінін хабарлады.
4 қаңтар, сенбі – кезекші қызмет көрсету орталықтары үшін жұмыс күні.
Қабылдау сағат 09:00-ден 13:00-ге дейін жүргізіледі.
5 және 6 қаңтарда еліміздегі барлық орталықтар әдеттегідей жұмыс істейді.
Қазақстанда “Рождество” мерекесі 7 қаңтарда тойланатындықтан, бұл күн халыққа қызмет көрсету орталықтары мен арнайы халыққа қызмет көрсету орталықтары үшін демалыс күні болып табылады.
Сондай-ақ жұмыс күндері халыққа қызмет көрсету орталықтары сағат 09:00-ден 18:00-ге дейін азаматтарды қабылдайтыны айтылды.
– Кезекші халыққа қызмет көрсету орталықтары дүйсенбіден жұмаға дейін сағат 09:00-ден 20:00-ге дейін және сенбі күні сағат 09:00-ден 13:00-ге дейін жұмыс істейді, – деді «Азаматтарға арналған үкімет» мемлекеттік мекемесінің баспасөз қызметі.
Материалды әзірлеген Аида РАХЫМҚҰЛОВА
