Қарағанды
Жүріп-тұру жеңілдеді
Қарағандыдағы №69 бағыттағы көліктер саны көбейді. Аталған бағыт 14-ші шағын аудандағы автобекет – №4 емхана аралығында жолаушы тасымалдайды.
Қалалық әкімдік мамандарының айтуынша, бұрын бұл бағыт жолаушылардың айтарлықтай сұранысына ие болмады. Сондықтан, бағыт бойында, тек, бір ғана автобус қызмет көрсетті.
Бүгінде аталған бағытта жүріп-тұратын тұрғындар саны артқан. Сәйкесінше, 11 маусымнан бастап облыс әкімінің тапсырмасымен бағыт бойынша тағы бір автобус бекітілді. Қазіргі таңда автобустар интервалы 30 минутты құрайды.
Нұрқанат ҚАНАФИН