Құқық қорғаушылар темір тұлпар тақымдады

Жуырда облыс әкімі Нұрмұхамбет ӘБДІБЕКОВ ішкі істер органдарының қызметкерлеріне 8 Skoda Rapid және 15 УАЗ 2206 маркалы қызметтік автокөліктер табыс етті.

ІІД материалдық базасы жыл санап жаңарып келеді. Мысалы, биыл – 9 миллиард 959 миллион 650 мың теңге бөлінді (соның ішінде ағымдағы шығынға 9 миллиард 819 миллион 70 мың теңге және капиталдық шығынға – 140 миллион 580 мың теңге).

Шарада сөз сөйлеген облыс әкімі Мемлекет басшысының тапсырмасына сәй­кес, жергілікті билік органдары аймақтағы құқық қорғау орган­дарының материалдық-техни­калық базасы мен кадр құрамын нығайту жолында қажетті жұмыс­тардың барлығын жасап жат­қанын айрықша атап өтті.

Ішкі істер органдарының мат­е­р­иалдық-техникалық жаб­дық­талуы қыл­мыстық әрекеттер­дің азаюына әсер етуі тиіс. Бүгінгі тапсырылып жатқан жаңа қызметтік көліктер қоғамдық тәртіп және қылмыспен күрес жұмыстарын ары қарай нығайтуға үлкен көмек боларына нық сенемін. Өздеріңіз білетіндей, Елбасымыз Нұрсұлтан Назарбаев құ­қық қорғау орган­дары­ның алдына үлкен және өте жауапты міндеттер қойып отыр. Осы міндеттерді сіздер лайықты орындап, қоғамдық тәртіп пен қауіпсіздікті қамтамасыз етуге зор үлес қосып келесіздер. Сондықтан, адал қызметтеріңіз үшін барша­ңызға үлкен алғысымды білдіре­мін. Мемлекетіміз құқық қорғау органдары жұмысының тиімділігін арттыруға үлкен көңіл аударып келеді. Осыған орай, біздің облысымызда да атқарылып жатқан шаралар аз емес. Атап айтқанда, ішкі істер саласына бөлінетін қаржы көлемі жыл сайын артып келеді. Материалдық-техникалық база нығайтылуда. Бүгінгі шара – мемлекетіміздің осы салаға деген айрықша қамқор­лығының айқын көрінісі. Сон­дықтан, баршаңызды осы қуанышты оқиғамен шын жүрек­тен құттықтаймын. Ел игілігі жолындағы еңбектеріңізге табыс тілеймін, – деді Нұрмұхамбет Әбдібеков.

Облыстық ІІД басшысы, поли­ция генерал-майоры Мерген­бай Жаппаров аймақ басшысының көрсетіп жатқан қолдауына шын ықыласпен алғысын білдірді.

«Қоғамдық, жол қауіпсіздігін және құқық тәртібін қамтамасыз етуге бағытталған ішкі істер ор­гандары қызметінің негізгі басым­­дықтарын ескере отырып, көлік­тердің басым бөлігі қыз­меттері облыс орта­лығы мен айма­ғымыздағы аталған міндет­терді орындауға бағыт­талған полиция қыз­меткерлеріне бекітіледі. Сіз­дің тікелей қолдауыңыз­бен 50 миллион теңгеден астам қара­жатқа жергілікті полиция қыз­меті­нің саптық бөліністеріне арнап, 75 көпқызметтік бейне және дыбыс жазбасын жасайтын құрылғы, сонымен қатар, 19 мил­лион теңгеден астам со­маға қару-жарақ, оқ-дәрілер сатып алынды. Енді бүгін, міне, сіздің қолдауыңызбен 23 бірлік темір тұлпар еншіледік, – деді Мергенбай Жаппаров.

Рауан ҚАБИДОЛДИН

Пікір қалдыру

Сіздің e-mail жарияланбайды. Толтырылуы міндетті *

This site uses Akismet to reduce spam. Learn how your comment data is processed.