«ТУҒАН ЕЛГЕ САЯХАТ»
Теміржолшылардың 200-ден астам балалары «Туған елге саяхат» теміржол туристік пойызымен «Астана-Екібастұз – Алматы- Байқоңыр – Астана» бағдарымен сапарда. Олардың қатарында «Самұрық-Қазына» АҚ компаниялары тобындағы кәсіпорындардың балалары да бар. Балалардың барлығы да шалғайда тұратын, сабақтарын үздік оқитын, көп балалы, толық емес отбасыларынан. Олардың арасында «ҚТЖ» ҰК» АҚ Әлеуметтік жобалар қоры, «Samruk-Kazyna Trust және «Қазақ радиосы» бірлесіп ұйымдастырған «Ғаламшарды қалай сақтап қаламыз?» байқауының жеңімпаздары да бар. Бұл туралы «Қазақстан темір жолы» ҰК» АҚ баспасөз қызметі хабарлайды.
«Балалар сапары барысында «ЭКСПО – 2017» Халықаралық көрмесімен де танысады. Екібастұздағы ірі жылу – электр орталығының қызметімен, көмір бассейнімен, Төретам станциясындағы Байқоңыр ғарыш айлағының тарихымен, оңтүстік астанадағы зоопарк, аквапаркті тамашалап, қаланы аралайды», – дейді «ҚТЖ» ҰК»АҚ Әлеуметтік жобалар қорының директоры Ербол Кеңгірбаев. Балалар сапар барысында түрлі байқауларға, ойындарға, танымдық сабақтарға, ағылшын тілін үйрену курстарына қатысады.
Биылғы тамызда «Туған елге саяхат» екінші туристік пойызы «Астана-Ақтау-Түркістан–Алматы-Астана» бағдарына сапар шегеді.
Қызғалдақ АЙТЖАНОВА.