Теміртауда дзюдодан халықаралық турнир басталды

Теміртауда дзюдодан ҚР еңбек сіңірген жаттықтырушысы Амантай Айдархановты еске алуға арналған «Магнитка жұлдыздары» XXIII халықаралық турнир басталды. Жарысқа Өзбекстан, Ресей, Тәжікстан және Қырғызстан елінен 2008-2009 жылдар аралығындағы 700-ге жуық спортшы қатысуда.

Жарысты Теміртау әкімдігі, Qarmet компаниясы, Қарағанды облысының дзюдо күрес федерациясы және Jenyc кәсіби клубы ұйымдастыруда.

Турнир Qarmet спорт кешенінде төрт күн бойы өткізіледі. Ал, 29-31 қазан аралығында жеке біріншіліктер, 1 қарашада командалық сайыс өтеді.

Турнирдің қорытындысы бойынша жеңімпаздар мен жүлдегерлерге естелік және ақшалай сыйлықтар табысталады. Соңында оқу-жаттығу лагері жоспарланған.

Ербол ЕРБОЛАТ,
Ortalyq.kz