«Super bol» болашаққа бағдар бар

«Super bol» спорттық жобасы Қазақстанда тағы да басталды. Бұл жолы спорттық іс-шараға іріктеу кастингі Қарағанды қаласында өтпекші.

Жалпыға мәлім бұл реалити-шоу жас футболшылар үшін арманға қанат қағуға көмектесер бірден-бір шара. Тіпті, кәсіпқой футбол алаңынан көрінуге де жол ашылмақ дейді бапкерлер. Қатысушылар жасы 16-24 жасқа дейін.

Тағы бір айта кетерлігі жобаның басты ерекшеліктерінің бірі өзара жеңіске жеткен командалар отандық және шет елдік футбол клубтарын финалдық кездесуге шақырта алады. Өткен жылы іріктеуден 6 мыңға жуық футболшы өткен. Бұл аз десеңіз осы бір шоудың арқасында тоғыз жас футболшы әлемдік танымал футбол клубтарымен келісімге отырған. Кастинг «Шахтер» стадионының қосалқы алаңында өтеді.

Ербол ЕРБОЛАТ,
Ortalyq.kz