Спорт
«Шахтёр-2006» футбол клубы – ақтық кезеңде
Футболдан Таразда өткен жасөспірім командалар арасындағы «Арман» республикалық турнирінде қарағандылық «Шахтёр-2006» клубы турнирдың ақтық кезеңіне өтті.
Аталмыш турнир дәстүрлі түрде өткізіледі. Турнирдің ережесіне сәйкес 2005 жылы туғандардан үлкен ойыншылар қатыса алмайды. Турнир негізгі және финалдық кезеңнен тұрады. Алғашқы кезеңде 20 команда төрт топқа бөлініп бақ сынаған. Қарағандылық жас футболшылар турнирдің алғашқы айналымында 2 жеңіс, 1 тең ойын өткізіп, топтық кезеңнен І орынмен финалға жолдама иеленді.
Төмендегі көрсеткіш қарағандылық клубтың ойыны:
«Ақтөбе» – «Шахтёр» – 1:3 (0:2)
«Қайрат» – «Шахтёр» – 1:1 (1:0)
«Шахтёр» – «Атырау» – 2:0 (0:0).
Финалдық кезең 25-31 наурыз аралығында Таразда өтеді.
Ербол ЕРБОЛАТ.
