Назарда – түлектер туындысы

     Жуырда облыстық бейнелеу өнері мұражайында «№1 балалар көркемөнер мектебі» түлектерінің шығармашылық жобасын қорғау қорытындысы өтті.

Алты жылдан астам аталған көркемөнер мектебі «Түлек»  жобасы бойынша мұражаймен шығармашылық байланыс жасауда. Түлектер кең аудиторияда ата-аналар мен курстастары  алдында өз жұмыстарын қорғады. Бұл емтихан – педагогтар мен оқушылар үшін, есеп беру көрмесі болып табылады. Экспозицияда пән бойынша – сурет, кескіндеме, құрылым, мүсін сынды қорытынды жұмыстар ұсынылды.

Жұмыстар түрлі техникада, түрлі стильде орындалған. Көптеген туындылар көпұлтты еліміз бен салт-дәстүрлерге арналды. Бұл – оқушылардың туған жерге деген сүйіспеншілігін көрсетсе керек. Ал, шәкірттерінің шеберлігін шыңдап, шығармашылық тұлға қалыптасыруда табанды тер төгіп жүрген жетекші педагогтар – С.Күлпеиісов пен А.Орлов.

Өз тілшімізден.