Дегелек – қамқорлық үлгісі

               Былтыр қолға алынған «Туған жер» бағдарламасы – жалпыұлттық патриотизмнің шынайы өзегіне айналды. «Туған жерге деген сүйіспеншілік туған елге – Қазақстанға деген патриоттық сезімге ұласады» деген Елбасы сөзі ел тұрғындары арасында кеңінен қолдау табуда. 

Абай ауданында бұл бағытта атқарылып жатқан жұмыстар баршылық. Мәселен, «Астра-Агро» LTD ЖШС ауылдарды абаттандыру шараларына тұрақты араласып келеді. Аталған шаруашылық Көксу ауылын көркейту мақсатында аулаларды жөндеп, түрлі мүсіндер тұрғызуда. Солардың бірі – «Рухани жаңғыру» бағдарламасында қамтылған басты бағыттар шеңберінде жасалған дегелек құсының мүсіні болды. Дегелек құсы – ата-анаға, жақындарға деген қамқорлықтың үлгісі болып табылады.

Ерекше мүсіннің ашылуы салтанатты түрде ұйымдастырылды. Ауыл тұрғындары шаруашылық басшылығына дән риза.

Гүлнұр ОҢАЛЫСҚЫЗЫ.