Бүгін футболдан Қазақстан құрамасы Финляндиямен кездеседі

Футболдан 2024 жылғы Еуропа чемпионатына іріктеу сатысында Қазақстан құрамасы сырт алаңда сегізінші ойынын Финляндияға қарсы өткізеді.

Кездесуде босниялық төрешілер бригадасы қызмет атқарады.

Бас төреші – Ирфан Пельто, оған Сенад Ибрисимбегович пен Давор Бельжо көмекшілік жасайды. Төртінші төреші – Милош Гигович.

Жеті турдан кейін H тобында 16 ұпаймен Словения мен Дания көш басында тұрса, одан кейінгі орындағы Финляндия мен Қазақстанның 12 ұпайы бар. 

Финляндия мен Қазақстан кездесуі 17 қазанда елорда уақытымен 22:00-де басталып, «Qazsport» телеарнасынан тікелей эфирде көрсетіледі.

Аида РАХЫМҚҰЛОВА,

ortalyq.kz