Ауқымды шаруа атқарылды

Қарағанды қаласы Октябрь ауданының әкімі М.Кожуховтың 2020 жылы істелген жұмыстар туралы ЕСЕБІ

2020 жыл Волонтер жылы, Ұлы Жеңістің 75 жылдығы, ҚР Конституциясы мен Қазақстан халқы Ассамблеясының 25 жылдығы болып есте қалды. Осы атаулы күндерге арналған 710-ға жуық іс-шара атқарылды, олардың көпшілігі эпидемиологиялық жағдайға байланысты онлайн форматта өтті.

Ұлы Отан соғысының ардагерлері мен тыл еңбеккерлеріне “Ұлы Отан соғысындағы Жеңіске 75 жыл” мерекелік медалі тапсырылды. Волонтер жылы аясында волонтерлік және қайырымдылық ұйымдары, кәсіпкерлер мен қоғамдық, діни бірлестіктер өкілдері BIZ BIRGEMIZ жалпыреспубликалық акциясына белсене қатысып, барлық мұқтаж отбасыларға көмек көрсетілді.

Көпбалалы және аз қамтылған отбасылар, жалғызілікті зейнеткерлер мен мүгедектер, мүгедек бала тәрбиелеп отырған отбасылар 425 азық-түлік себетін алды, мәслихат депутаттарының көмегімен әлеуметтік осал санаттағы 100-ден астам отбасыға жуу құралдары табыс етілді. Ауданның аз қамтылған және көпбалалы 35 отбасына көмірден көмек көрсетілді. “Мектепке жол” акциясы аясында көпбалалы 12 отбасының оқу құралдары мен мектеп формасын сатып алуына жәрдем жасалды.

“Zhasproject” грантының иегерлері мен кәсіпкерлікпен айналысуға мүмкіндігі бар әлеуметтік осал топтардан шыққан қыз-келіншектерді кондитерлік шеберлікке оқыту жобасы іске асырылып, сертификат табысталды. 54 маман мастер-класс өткізді. Сонымен қатар, жобаға қатысушылар көпбалалы отбасыларға барып, өздері пісірген тәттілерді табыс етті. Сондай-ақ, қарттар мен мүгедектерге арналған “Добро” пансионаты мен “Таңшолпан” балалар үйіне барды.

Жаңа жыл қарсаңында көпбалалы және аз қамтылған отбасылардың 400 баласына және мүгедек балаларға жаңажылдық сыйлықтар мен құттықтау ұйымдастырылды. 6 және одан да көп балаға өмір сыйлаған және тәрбиелеген 14 ардақты анаға “Алтын алқа” және “Күміс алқа” тапсырылды.

Волонтерлер карантиндік іс-шаралар енгізілген сәттен бастап ауқымды жұмыс атқарды. Коронавирус инфекциясының алдын алу және ескерту мақсатында 10 мыңнан астам брошюра мен жадынама таратылды. Волонтерлер тұрғындарға, қарттарға азық-түлік, бетперде мен дәрі-дәрмек жеткізді, блок-бекеттерде қызмет еткендерге белсенді түрде көмек көрсетті. Аудан әкімі аппаратының қызметкерлері дәріханаларда қажетті дәрі-дәрмектің болуын қадағалайтын 9 мобильді-мониторингтік топтың жұмысына белсенді қатысты.

Өткен жылдан бастап санитарлық нормаларды сақтауды бақылайтын 4 мобильді топ жұмыс істейді. Олар күн сайын шағын және орта бизнес нысандарына рейд жасайды. Топтардың құрамында полицияның, санитарлық-эпидемиологиялық бақылау және Денсаулық сақтау басқармасының қызметкерлері бар. Олардың міндетіне облыстың бас санитарлық дәрігерінің қаулысын түсіндіру, нысандарда карантин режимінің бұзылуын анықтау кіреді. Былтыр барлығы 204 ереже бұзушылық анықталып, кінәлілер әкімшілік жауапкершілікке тартылды.

Аудан әкімінің аппараты санитарлықэпидемиологиялық жағдайға байланысты адам көп жиналатын орындарды дезинфекциялық өңдеуге ерекше назар аударды. 2020 жылдың наурыз-қазан айларында барлық көпқабатты тұрғын үйлерге, аулаларға, кіреберістердің кіру торабына, балалар ойын және спорт алаңдарына, сауда үйлері мен оларға іргелес аумақтарға, аудан мекемелері мен ұйымдарының ғимаратына дезинфекция жасалды. Коронавирус инфекциясымен сырқаттанушылық ошағы анықталған тұрғын үйлердің кіреберістері тұрақты түрде дезинфекциялық өңдеуден өтті. Ауданда барлығы 1500-ден астам нысан өңделді.

«Халық үніне құлақ асатын мемлекет» тұжырымдамасына сәйкес аудан әкімінің аппараты азаматтардың барлық сындарлы сауалдарына жедел және тиімді жауап қайтаруда. Аудан әкімі аппаратының фронтофисінде күн сайын түрлі мәселелер бойынша азаматтарды қабылдау жүргізіледі. Есептік кезеңде барлығы 1134 өтініш келіп түсті.

Тұрғындардан белсенді түрде ауданның тіршілік әрекеті процесінде туындайтын проблемалар бойынша сұрақтар келіп түсетін Instagram, Facebook және Telegram арналары тұрақты негізде жұмыс істейді. Онда бірде-бір өтініш қараусыз қалмай, барлық қойылған сұрақтар дереу қарастырылып, қажетті шаралар қабылданады. Жыл басынан бері азаматтардың 2 мыңнан астам өтініші қаралды.

Әлеуметтік желілердің, жергілікті Instagram-пабликтердің мониторингі тұрақты бақылауда, онда тұрғындардың сұрақтары мен өтініштері үнемі жарияланады. Барлық өтініштер бойынша дереу қажетті шаралар қабылданады, сондай-ақ жауаптар мен түсініктемелер беріледі.

Ауданда 2020 жылы тұрғындарға ыңғайлы болу үшін әлеуметтік маңызы бар нысандар салынды. Мемлекеттік-жекеменшік серіктестік бағдарламасы бойынша 11 А шағынауданында жаңа емхана іске қосылды. Емхана қажетті жабдықтармен жабдықталған. Дәрігерлер мен пациенттерге ыңғайлы болу үшін электрондық кезек жүйесі бар. Жаңа емхананың жұмысы қолданыстағы медициналық мекемелерге жүктемені азайтуға мүмкіндік береді. Осының арқасында аудан тұрғындары тезірек және ыңғайлы жағдайда медициналық көмек ала алады.

Церебралды сал ауруына шалдыққан балаларға арналған оңалту орталығы ашылды. “Шипагер” оңалту орталығы Майқұдықтағы балалар ауруханасының аумағында екі қабатты жеке ғимаратта орналасқан. Мұнда БЦП бар балаларды оңалту үшін қажеттінің бәрі бар: жарықпен және физиотерапиямен емдеуге арналған аппараттар, электросонтерапия, баяу қимылдайтын пациенттерге арналған көтергіштер, бассейн, сенсорлық бөлмелер және жайлы палаталар. Бір жарым мыңға жуық жас пациент жылына тегін көмек ала алады.

Қайта құру жұмыстарынан кейін “Литейщик” стадионы ашылды. Жөндеу жұмыстарынан кейін стадионда жаңа футбол жабыны, алаңның айналасында екі жүгіру жолы, 300 адамға арналған көрермендер трибуналары пайда болды.

Қазақстандағы конфессияаралық қатынастар моделі басқа елдер үшін бірегей үлгі болып табылады. Діни ғимараттар конфессияаралық және рухани келісімді сақтауда үлкен рөл атқарады. 2020 жылдың қараша айында Пришахтинск аймағында “Төлеутай ата” жаңа мешітінің ашылуы өтті. Оның ашылуына Қазақстанның Бас мүфтиі Наурызбай қажы Тағанұлы қатысты.

“Нұрлы жер” мемлекеттік бағдарламасы бойынша 2020 жылы 37 отбасы жалдамалы тұрғын үйге ие болды. Жалға берілетін пәтерлер Коммунистическая көшесі, 19/3 мекенжайындағы “Park House” тұрғын үй кешенінде орналасқан. Жылы кірпіш үй заманауи құрылыс талаптарына жауап береді. Пәтерлер таза әрленіп, қажетті сантехникамен жабдықталған.

Сондай-ақ, Майқұдықтағы Магнитогорская көшесіндегі бұрынғы аурухананың ескі екі қабатты ғимараты жас дәрігерлер үшін ыңғайлы үйге айналды. Үйде 10 бір бөлмелі және 2 екі бөлмелі пәтер бар. Аумағы абаттандырылған және балалар алаңы орнатылған.

Білім беру мәселелері аудан тұрғындары үшін маңызды болып табылады. Оқу процесі тиімді ғана емес, сонымен қатар ыңғайлы болуы қажет.

Октябрь ауданында 38 білім беру мекемесі, 40 мектепке дейінгі мекеме, 5 кәсіптік – техникалық колледж орналасқан. 2020 жылы “Жұмыспен қамтудың жол картасы–2020” бағдарламасы аясында ауданның 57 білім беру ұйымдарында аумақты абаттандыру және жөндеу жұмыстары жүргізілді. Оның ішінде 6 нысанда күрделі жөндеу, 9 нысанда ағымдағы жөндеу және 42 білім беру нысанында аумақты абаттандыру бойынша жұмыстар жүргізілді.

2020 жылы Октябрь ауданында аулаларды ауқымды абаттандыру, қасбеттерді, үйлердің шатырларын, кіреберіс жолдарды және орамішілік жолдарды жөндеу жүргізілді.

“Елдімекендерді абаттандыру мен көгалдандыру” бюджеттік бағдарламасы бойынша 2020 жылы 184 аула аумағы абаттандырылды. Майқұдық аймағында – 111 аула, Пришахтинск аймағында – 48 аула, Сұрыптау аймағында – 25 аула, оның ішінде:

– 2018-2020 жж. Қарағанды қаласын абаттандырудың үшжылдық тұжырымдамасына сәйкес 69 аула аумағы абаттандырылды. Онда жиек тастарды орнату, ауланың қолданыстағы сызбасы бойынша аула аумақтарын асфальттау, жарықтандыру тіректерін ауыстыру, сәкілер мен қоқыс жәшіктерін орнату жұмыстары жүргізілді.

– “Жұмыспен қамту жол картасы-2020” бағдарламасы шеңберінде 115 аула аумағы абаттандырылды. Оның ішінде 105 аула аумағы ағымдағы жөндеуден өтті. Онда жарықтандыру тіректерін, орындықтар мен қоқыс жәшіктерін орнату жұмыстары жүргізілді. 10 аула аумағы жобалық-сметалық құжаттама шеңберінде кешенді абаттандырылды. Онда қатты жабындысы бар алаңдар, өтпе жолдар мен жолдар салу, дене шынықтыру-спорт аумағы, балалар және спорт алаңдары, архитектураның шағын нысандарын орнату жұмыстары жүргізілді.

Сондай-ақ, 169 аула аумағында балалар және спорт алаңдарын орнату бойынша жұмыстар жүргізілді, оның ішінде жергілікті бюджеттен 50 аула және “Жұмыспен қамту жол картасы-2020” бағдарламасы бойынша 119 аула. Алаңдарды орнату 2018-2020 жж. Қарағанды қаласын абаттандырудың үшжылдық тұжырымдамасы шеңберінде абаттандырылған аула аумақтарында (Майқұдық – 98 аула, Пришахтинск – 55 аула және Сұрыптау – 16 аула) қарастырылған. Онда жасанды жабын құрылғысы (көгал), балаларға арналған қос әткеншек, ойын кешені, спорт кешені, көше тренажерлары (кеудеге басу, жоғарыға тарту және шаңғы тебу) қарастырылған.

Орамішілік және орталық жолдардан аула аумақтары мен әлеуметтік мәденитұрмыстық объектілерге дейінгі кірме жолдардың жүру бөлігін асфальттау бойынша жұмыстар 24 кірме жолдарында жүргізілді. Оның ішінде: жергілікті бюджеттен – 11, “Жұмыспен қамту жол картасы-2020” бағдарламасы бойынша – 13 (Майқұдық – 7, Пришахтинск – 14, Сұрыптау – 3).

Жаяу жүргіншілер қауіпсіздігін қамтамасыз ету және тұрғындардың қозғалысы үшін қолайлы жағдай жасауға мүмкіндік берер 60,9 мың шаршы метр жаяу жүргіншілер тротуарлары абаттандырылды (Майқұдық – 30 мың шаршы метр, Пришахтинск – 20 мың шаршы метр, Сұрыптау – 11 мың шаршы метр).

Қатты тұрмыстық қалдықтар қоқыс жинайтын контейнер алаңдарын абаттандыру: “Жұмыспен қамтудың жол картасы” бағдарламасы аясында Октябрь ауданында 304 контейнер алаңын абаттандыру жұмыстары аяқталды (Майқұдық аймағы – 182 алаң, Пришахтинск аймағы – 72, Узенка аймағы – 19 және Сұрыптау аймағы – 31).

Абаттандыру бойынша барлық жоспарланған жұмыстар кепілдік мерзімі үш жыл шарттық міндеттемелерге сәйкес аяқталды.

“Аудан аумағын күтіп ұстау” бағдарламасы бойынша 343 аула аумағында аумақты қоқыстан тазарту, тиеу және шығару, шағын сәулет нысандарын жөндеу және сырлау, шөп шабу, бүлінген жасыл желектерді кесу және ағаштарды әктеу, құм әкелу бойынша жұмыстар орындалды. Қысқы кезеңде қарды тазалау және шығару жұмыстары (көпқабатты тұрғын үйлердің аула аумақтарынан, су тасқынына қауіпті учаскелердің кіреберіс жолдарынан қарды шығару бойынша) жүргізіледі. Аумақты кейіннен жоспарлаумен 10 қатты тұрмыстық қалдықтар үйіндісі жойылды, сондай-ақ қатты тұрмыстық қалдықтар контейнерлік алаңдарынан габаритті емес қоқыстарды шығару жұмыстары енгізілді. Бұл санитарлық жағдайға оң әсер етті.

Методическая көшесіндегі саябақты абаттандыру Қарағанды қаласының инфрақұрылымын жетілдіру және абаттандыру, тұрғындардың мәдени және эстетикалық қажеттіліктері үшін қолайлы орта құру, табиғи кешендерді қалпына келтіру, ауданның эстетикалық келбетін қалыптастыру, қоршаған орта мен экологияның тазалығын жақсарту бойынша мақсаттарға қол жеткізілді.

2020 жылы бұрын қайта аталған 11 көшенің жеке тұрғын үй құрылысы нысандарының ақпараттық көрсеткіштерін ауыстыруға бюджеттік қаражат бөлінді, барлығы 700 аншлаг орнатылды.

“Елдімекендердің санитариясын қамтамасыз ету” бағдарламасы бойынша 2020 жылы кеміргіштерге қарсы дератизациялық өңдеу бойынша іс-шаралар мектепке дейінгі балалар, мектеп, спорттық-сауықтыру мекемелерінде, денсаулық сақтау нысандарында, санаторийлер, басқа да бюджеттік ұйымдарда, мәдениет мекемелерінде, әкімшілік ғимараттарда, көпқабатты тұрғын үйлердің жертөлелері мен қоқыс қабылдау камераларында жүргізілді.

Дезинсекциялық өңдеу 1 606 549,6 шаршы метр 2 есе өңдеу кезіндегі есепті құрады. Дезинсекциялық іс-шаралар Қарағанды қаласының Октябрь ауданының аумағында иесіз су айдындарында және таяз суларда, құрттардың және ұшатын шыбын-шіркейлерге қарсы қорғалатын объектілердің аумақтарында жүргізілді.

“Жергілікті атқарушы органның шұғыл шығындарға арналған резервінің есебінен іс-шаралар өткізу” бағдарламасы бойынша бюджет қаражаты есебінен су тасқыны қаупі бар учаскелерден (Құрлық, Матросская, Искра, Плеханов, Крымская, Мурманская, Ударная, Рудничная, Суриков, к.Либнехт, Петрозаводская, Мануфактурная, Чекалин, Полярная көшелері) қар шығарылды.

2020 жылы “Жұмыспен қамтудың жол картасы–2020” бағдарламасы аясында Октябрь ауданында (17-ші маршрут (Зелинский көшесінен 35-ші маршрутқа дейін), Бирюзов көшесі (Майлин көшесінен 50-лет Казахстана көшесіне дейін), Машинистер көшесі, Р.Люксембург көшесі, Металистов көшесі, Шахтерский шағынауданы, зираттарға апаратын жолдарында) 6 автомобиль жолына орташа жөндеу жүргізілді.

Облыстық және қалалық бюджет қаражаты есебінен (Серов көшесі (Серов көшесі бойынша №51 үйден Жеңіс көшесіне дейін), 33 маршрут (№50 ОМ кірме жолын қоса алғанда, полигонға автомобиль жолынан туберкулезге қарсы диспансерге дейін), Попов-Старогорняцкая көшесі (15-ші магистральдан Зелинский көшесіне дейін), “Триада”зиратына кіреберіс жолы) 3 автомобиль жолын орташа жөндеу жұмыстары жүргізілді.

“Рухани жаңғыру“ бағдарламасы аясында Методическая көшесі, 17 мекенжайы бойынша орналасқан «Казахское общество слепых» ҚБ КӨПФ кеңсесі алдындағы аумақты асфальттау және абаттандыру жұмыстары аяқталды. Асфальттаудан басқа, демеушілік қаражатты тарту есебінен үйдің ауласын, орындықтарды, қоқыс жәшіктерін жарықтандыру, мүмкіндігі шектеулі адамдардың жүріп-тұруы үшін тротуар жолдары мен съездер орнату бойынша жұмыстар жүргізілді.

Сондай-ақ, жоғарыда аталған бағдарлама аясында Ұлы Жеңістің 75 жылдығы қарсаңында Сұрыптау аймағындағы Әскери Даңқ ескерткішін қайта құру жүргізілді.

2020 жылы ауданның тыныс-тіршілігін қамтамасыз ететін коммуналдық шаруашылық қызметі салаларын үйлестіру жөнінде белгілі бір жұмыс жүргізілді.

Октябрь ауданында 1055 көпқабатты тұрғын үй, 12 251 жеке сектор үйлері бар, жылу желілерінің ұзындығы 391 шақырым, су құбыры желілері 481,7 шақырым, кәріз желілері 310,2 шақырым құрайды.

Көпқабатты тұрғын үйлердің тіршілігін қамтамасыз ету мәселелерін шешу үшін ауданда 60 пәтер иелерінің кооперативі, 17 жауапкершілігі шектеулі серіктестік жұмыс істейді. Сондай-ақ, аз қабатты тұрғын үйлер тұрғындардың өздерімен қамтылады. 2020 жылы тұрғын үй-коммуналдық шаруашылық саласындағы жаңа заңнамаға сәйкес аудан әкімінің аппараты кондоминиум объектісін басқарудың жаңа нысанын – мүлік иелері бірлестіктері мен қарапайым серіктестіктерді (ӨСБ және ЖМ) құру мәселесі бойынша тұрғындармен жиналыстар өткізді. Қазіргі уақытта 70 жиын өткізілді. ПИК, ЖШС, тұрғын үйге жауаптылармен 2020-2021 жж. жылыту маусымына көпқабатты тұрғын үйлерді дайындау бойынша жұмыстар жүргізілді. 17 көпқабатты тұрғын үйде үйішілік ажыратқыштардың жылумен жабдықтау жүйелеріне күрделі жөндеу жүргізілді, 23 жылу және 12 элеватор тораптары ауыстырылды, 85 үйде кәріз және су құбыры жүйесі жөнделді, 3 электр қалқаны ауыстырылды, 359 үйде жылумен жабдықтау жүйелеріне ағымдағы жөндеу жұмыстары жүргізілді.

Берілетін жылу энергиясының сапасын жақсарту үшін “Теплотранзит Караганда” ЖШС күшімен 7,4 шақырым жылу желілерінің құбырлары ауыстырылды. Сондай-ақ, 8,2 шақырым жылу оқшаулағышы қалпына келтірілді. Ағымдағы жылы № 113, 117 сорғы станцияларынан жылу желілерін реконструкциялау жұмысы аяқталды. Қазіргі уақытта жылу оқшаулағышы бар жылу желілерінің апаттық учаскелерін ауыстыру бойынша жоспарлар әзірленуде. Олар 2021 жылғы көктемде жылу беру маусымы мен жылу желілерінің көктемгі гидравликалық сынақтарынан өткеннен кейін түпкілікті қалыптастырылатын болады. Аудан аумағында 11 жергілікті қазандық және 5 АСО орналасқан. Олар 16 әлеуметтік мәдени-тұрмыстық нысанды жылытады. Күн сайын аудан әкімі аппаратының диспетчерлік қызметі ЖЭО-3 станциясының және шеткі үйлердің температуралық режимі бойынша мониторинг жүргізеді. Қазіргі уақытта барлық қазандықтар мен АЖЖ штаттық режимде жұмыс істейді, әлеуметтік-мәденитұрмыстық нысандар жылумен қамтылған.

Жыл басынан бері ЖЭО-3 жылу орталығында турбогенератордың жұмысына байланысты ақаулар орын алды. Қазіргі уақытта жылумен жабдықтау параметрлерінің жақсаруы байқалады.

“Қарағанды Жарық” ЖШС сапалы энергиямен жабдықтау үшін 131 шақырым әуе электр беру желілерінде және 162 трансформаторлық қосалқы станцияларында жөндеу жұмыстарын орындады. Инвестициялық бағдарлама аясында 9 шақырым жол салынып, 61,3 шақырым жоғары вольтты желі күрделі жөндеуден өтті.

“Қарағанды Су” ЖШС ұзындығы 7,2 шақырым апаттық су құбыры желілерін ауыстырды. Сондай-ақ, ұзындығы 0,2 шақырым апаттық кәріз желілерін ауыстырды және 488 құдыққа жөндеу жүргізді.

Облыс әкімінің тапсырмасы бойынша Октябрь ауданында лифт жабдықтарын орнату жұмыстары жалғасуда. 2019 жылдың желтоқсан айынан бастап “Нұрлы Жер” бағдарламасы бойынша барлығы 17 үйде 31 лифт орнатылды. 4 лифтіні қалпына келтіру жұмыстары жүргізілуде. Жаңғырту орталығына құжаттар тапсырылып, 3 үйдің тұрғындары лифт жабдықтарын орнату кезегін күтуде.

Қатты тұрмыстық қалдықтарды шығару бойынша ауданда үш коммуналдық кәсіпорын қызмет көрсетеді: “Қарағанды қаласының ГорКомТранс” ЖШС, “ЭкоӘлем Қазақстан” ЖШС, “Ресайклинг ТК” ЖШС. Күн сайын аудан әкімі аппараты жергілікті полиция қызметінің өкілдерімен бірлесіп коммуналдық қызметтермен қатты тұрмыстық қалдықтарды шығару бойынша бақылау жүргізеді.

“Қарағанды қаласының тұрғын үй қатынастары бөлімі” ММ бірыңғай сәулеттік келбетін беру үшін Магнитогорская орталық көшесінде орналасқан 22 үйдің қасбет мен шатыры жөндеуден өтті.

Мемлекеттік қызмет көрсету сапасын қамтамасыз ету, сондай-ақ оны жүйелі негізде көрсету жөніндегі қызметті жетілдіру мақсатында халыққа түсіндіру бойынша іс-шаралары жүргізіледі. Аудан әкімі аппаратының ресми сайтында азаматтық хал актілерін тіркеу және мемлекеттік қызметтерді алу бойынша барлық қажетті ақпараттар орналастырылған. Аудан тұрғындарына ыңғайлы болу үшін мемлекеттік қызметтер жәрмеңкесі өткізіледі. Ол мемлекеттік қызметтерді, оның ішінде «Электрондық үкімет» порталы арқылы көрсетілетін қызметтерді танымал етуге бағытталған.

Қызмет алушыларды электрондық форматта қолжетімді және сапалы мемлекеттік қызметтермен қамтамасыз ету мақсатында 2020 жылдан бастап “Өзіне-өзі қызмет көрсету бұрышы” жұмыс істейді. Есепті кезеңде ауданымыздың 22 440 тұрғыны “Электрондық үкімет” порталы арқылы әртүрлі қызмет түрлерін алды. Осының арқасында үлкен кезектер азайып және қызмет көрсетушілермен тікелей байланыс мүмкіндігі азайды.

Октябрь ауданы әкімінің аппараты азаматтық хал актілерін тіркеу бойынша мемлекеттік қызметтің 8 түрін көрсетеді, оның ішінде электрондық форматта 4 түрін алуға болады (тууды, неке қиюды, некені бұзуды және қайтыс болуды тіркеу).

Есептік жылда азаматтық хал актілерін тіркеу бойынша 18 635 мемлекеттік қызмет көрсетілді. Оның ішінде “Азаматтарға арналған үкімет” мемлекеттік корпорациясы арқылы – 12 437, “Электрондық үкімет” порталы арқылы электрондық форматта – 3500, мемлекеттік органда қағаздық нысанда 2698 қызмет көрсетілді.

Азаматтық хал актілерін тіркеу бойынша мемлекеттік қызметтердің барлық түрлері бойынша 16 млн. теңге сомасына мемлекеттік баж өндірілді.

Қазіргі уақытта отбасы институтын сақтау және нығайту мәселесі өзекті болып қалуда. Азаматтық хал актілерін тіркеу бөлімінің мамандарымен тұрақты негізде отбасылық өмір негіздерін, ерлі-зайыптылар мен атааналардың құқықтары мен міндеттерін құқықтық біліммен қамтамасыз ету бойынша жұмыс жүргізіледі. Жас жұбайларға некеге тұру туралы, олардың құқықтары мен міндеттерін түсіндіре отырып, отбасы мен некені (ерлі-зайыптылықты) сақтау және нығайту туралы, балаларды тәрбиелегені үшін жауапкершілік туралы өтініш берген кезде ақпараттық жадынамалар тапсырылады.

Парасаттылық идеологиясын қалыптастыру және қоғамдық бақылауды күшейту мақсатында Октябрь ауданы әкімінің аппараты “Адал көмек” жобасын іске асыруда, оның шеңберінде тұрғындар біздің мемлекеттік мекеменің жұмысына қатысты кез келген сұрақты қоя алады.

Есепті кезеңде Қарағанды қаласы әкімімен бекітілген кестеге сәйкес аудан әкімінің, жетекшілік ететін аудан әкімінің орынбасарлары мен аудан әкімі аппаратының бөлім басшыларының қатысуымен сыбайлас жемқорлыққа қарсы ісқимыл, ауданды абаттандыру, тұрғын үйкоммуналдық шаруашылық және тіршілікті қамтамасыз ету, азаматтық хал актілерін тіркеу мәселелері бойынша әлеуметтік желілер арқылы көрсетілген іс-шаралар өткізілді.

Аппарат қызметкерлерінің құқықтық сауаттылығын арттыру шеңберінде тұрақты негізде ай сайын аппарат қызметінің түрлі бағыттары бойынша, сондай-ақ сыбайлас жемқорлыққа қарсы көзқарасты насихаттау бойынша құқықтық оқыту дәрістері өткізіледі.

Күн сайын азаматтарды құқықтық мәселелер бойынша қабылдау жүзеге асырылады, онда барлық жүгінген азаматтарға сапалы заң кеңесі ұсынылады.

Қарағанды қаласында Қазақстан Республикасының 2015-2025 жылдарға арналған сыбайлас жемқорлыққа қарсы стратегиясын іске асыру және көлеңкелі экономикаға қарсы іс-қимыл жөніндегі жоспарды орындау бойынша жұмыс жүргізілуде.

Аппарат қызметінің мәселелері бойынша, оның ішінде белгіленбеген орындарда ірі көлемді қоқысты рұқсатсыз жинауды жүзеге асыратын тұлғаларға қатысты ден қою бөлігінде Октябрь ауданының полиция бөлімдерімен өзара іс-қимыл тұрақты негізде жүзеге асырылады. Аталған фактілер бойынша қатысы бар тұлғаларды анықтау және оларды белгіленген жауапкершілікке тарту бойынша жұмыстар жүргізілуде. Сондай-ақ, үйлердің қасбеттерінде, қоршауларда және тұрғын емес құрылыстарда есірткі заттарын сату бойынша интернет сайттарды жарнамалау арқылы суреттерді орналастыру фактілерін анықтау бойынша бірлескен жұмыс жүргізілуде. Осындай фактілер анықталған жағдайда аталған суреттерді жою бойынша шаралар қабылданып, материалдар нашақорлыққа қарсы күрес жөніндегі қызметке тапсырылады.

Мемлекеттік сатып алудың жосықсыз қатысушыларымен наразылық-талап қою жұмысы тұрақты негізде жүргізіледі. Қазіргі уақытта ауданды абаттандыру бойынша өзіне алған міндеттемелерін тиісінше орындамаған 7 мердігерге талапарыздар дайындалуда.

Азаматтардың өтініштерінің өту және орындау рәсімдерінің ашықтығын қамтамасыз ету үшін аудан әкімі аппаратында “Айқын” бағдарламасы жұмыс істейді. Сондайақ, жеке тұлғалардың өтініштері келіп түсетін senim109.kz сайты қызмет етеді. Есептік кезеңде 860 өтініш түсті.

Азаматтар мен заңды тұлғалардың өтініштерін қарау бойынша барлық жұмыстар “Жеке және заңды тұлғалардың өтініштерін қарау тәртібі туралы” ҚР Заңына сәйкес жүргізіледі. 2020 жылы құжат айналымының жалпы көлемі 8702 бірлікті құрады, оның ішінде жеке тұлғалардан 777 өтініш, заңды тұлғалардан 178 өтініш және 7747 іскерлік хат-хабар келіп түскен. Жеке және заңды тұлғалардың барлық өтініштері белгіленген мерзімде қаралды.

Тұрғындардың өтініштеріне жедел жауап беру үшін аудан әкімі аппаратында облыстың бірыңғай диспетчерлік қызметінде орналасқан тәулік бойы диспетчерлік қызмет жұмыс істейді. Аудан әкімі аппаратының ғимаратында “сенім телефоны” және бірінші басшылар мен Әдеп жөніндегі уәкілдің жеке қабылдау кестесі көрсетілген ақпараттық стенд орналастырылған. Аудан әкімі және оның орынбасарлары 2020 жылы 122 тұрғынды жеке мәселесімен қабылдады. Барлық сұрақтар бойынша түсініктемелер беріліп, оларды орындау үшін жедел шаралар қабылданды.

2020 жылы Октябрь ауданының әкімі тұрғындармен есеп беру кездесулерін өткізді, оған 682 адам қатысты. Барлық келіп түскен 132 өтінішке түсініктеме және жазбаша жауаптар берілді. Октябрь ауданында өткізілген іс-шаралар аудан әкімі аппаратының сайтында жүйелі түрде жарияланды. 2021 жыл үлкен оқиғалармен басталды. 10-қаңтарда Республика Парламенті Мәжілісі мен мәслихаттар сайлауы өтті.

2021 жылдан бастап қазақстандықтар зейнетақы жинақтарын жеке қажеттіліктерге: тұрғын үй сатып алуға және емделуге пайдалана алады. Жыл Қазақстан Республикасы Тәуелсіздігінің 30 жылдығымен тұспа-тұс келді, ол мемлекетіміздің жаңа тарихындағы айтулы тарихи оқиға болып табылады.

Жыл бойы ҚР Тәуелсіздігінің 30 жылдығы аясында Наурыз, Жеңіс күніне (соғыс ардагерлері мен тыл еңбеккерлерін құттықтау), балаларды қорғау күніне, қарттар күніне арналған мерекелік іс-шаралар ұйымдастырылады.

Сондай-ақ, 2021 жылы халықтың әлеуметтік осал топтарын қолдау бойынша қайырымдылық іс-шараларын (азық-түлік себеттері, көмір, мектеп керек-жарақтары және т.б.) демеушілерді ұйымдастыру түрінде жұмыс жалғасатын болады.

Өткізілетін барлық іс-шараларға Тәуелсіздік кезеңінде мемлекеттіліктің қалыптасуына, сондай-ақ елдің одан әрі дамуының түйінді қағидаттарын ілгерілетуге баса назар аударылатын болады.

Барлық іс-шаралар санитарлық талаптарды ескере отырып жүргізіледі.

Ағымдағы жылы аудан әкімінің аппараты “Елді мекендерді абаттандыру және көгалдандыру” бюджеттік бағдарламасы бойынша “Халықтық қатысу бюджеті” жобасы шеңберінде абаттандырудың 7 жобасын іске асыратын болады:

1) “Менің ауламдағы Бақытты балалық шақ”, мекен-жайы: Чайкин көшесі,109 Пришахтинск аймағы (балалар алаңын абаттандыру);

2) “Қарағанды EXPO”, мекенжайы: Сұрыптау аймағы, Рабочий кенті (балалар алаңын абаттандыру);

3) «Балаларға арналған «Спорт», мекенжайы: Сұрыптау аймағы, Рабочий кенті (балалар алаңын абаттандыру);

4) “Балалардың қуанышы — атааналардың тыныштығы”, мекенжайы: Ударная көшесі мен Орынбор көшесінің қиылысы, Пришахтинск аймағы (балалар алаңын абаттандыру);

“Жайлы аула”, мекен-жайы: Павленко көшесі, 42-44 үйлер Пришахтинск аймағы, (балалар алаңын абаттандыру); элемент орнату көзделген (қос балалар әткеншегі, балалар ойын кешені, балалар спорттық-ойын кешені, “шаңғы жүрісі”, “Кеудеден сығу”, “Жоғарғы тартым” көше тренажерлары) 5 аула аумағында балалар және спорттық ойын алаңдарын абаттандыруға 17 млн. 500 мың теңге бөлінді.

“Менің бақытты балалық шағым”, мекенжайы: 19 шағын аудан, 72-75 үй футбол алаңын абаттандыруға 10 млн. теңге бөлінді. Онда келесі жұмыс түрлері қарастырылған: жасанды жабын, 3D қоршау, қақпалар, жарық диодты шамдары бар жарықтандыру тіректері, орындықтар, қоқыс жәшіктерін орнату.

7) “Таза қала”, мекенжайы: Сұрыптау аймағы Рабочий кенті (аумақты жинау). Оның аясында рұқсат етілмеген қоқыс үйінділерін жою жұмыстарына қаражат бөлінді және рұқсат етілмеген қатты тұрмыстық қалдықтар үйінділері шығарылды.

“Халықтық қатысу бюджеті” жобасын іске асыру азаматтардың бюджет процесіне кеңінен қатысуының негізгі құралдарының бірі болып табылады.

2021 жылы автомобиль жолдарын орташа жөндеу жоспарлануда: Бабушкин көшесі (Лиговская көшесінен Лихачев көшесіне дейін), 21 және 23 шағынауданындағы автобекет, 17-ші және 49-шы маршруттар арасындағы автомобиль жолдары.

“Елдімекендердің санитариясын қамтамасыз ету” бағдарламасы бойынша 2020 жылы кеміргіштерге қарсы дератизациялық өңдеу бойынша іс-шаралар мектепке дейінгі балалар, мектеп, спорттық – сауықтыру мекемелерінде, денсаулық сақтау объектілерінде, санаторийлер, басқа да бюджеттік ұйымдарда, мәдениет мекемелерінде, әкімшілік ғимараттарда, көп қабатты тұрғын үйлердің жертөлелері мен қоқыс қабылдау камераларында жүргізіледі. Дезинфекциялық өңдеу 1 606 549,6 шаршы метр 2 есе өңдеу кезіндегі есепті құрайды.

Дезинсекциялық іс-шаралар Қарағанды қаласының Октябрь ауданының аумағында иесіз су айдындарында және таяз суларда, құрттардың және ұшатын шыбыншіркейлерге қарсы қорғалатын объектілердің аумақтарында жүргізіледі.

Көшелерді жарықтандыру, автомобиль жолдары мен тротуарларды күтіп ұстау, мерекелік безендіру функцияларын аудан әкімі аппаратына берілуіне байланысты ауданда оларды іске асыру бойынша бірқатар іс-шаралар өткізу жоспарлануда. Жарықтандыру тіректерін қалпына келтіру, шамдар орнату және жарықдиодты шамдарға ауыстыру. Автожолдарды механикаландырылған жинау, қарды жинау және шығару, құм-тұз қоспасын себу жұмыстары жүргізілетін болады. Барлық атаулы күндерге жарықдиодты конструкциялар мен шағын сәулет нысандарын орнату жоспарланған.

2021 жылы 5 ақпанда сағат 15.00-де Октябрь ауданы әкімі М.Кожуховтың тұрғындармен есеп беру кездесуі өтеді. Есеп беру кездесуі ZOOM және Instagram әлеуметтік желілерінің көмегімен онлайн форматта өтеді. Кері байланыс алу үшін сізден тікелей аты-жөніңізді, мекен-жайыңызды және телефон нөміріңізді көрсете отырып сұрақтар қоюыңызды сұраймыз.