Қарағандыда тағы бір шахтадан өрт шықты

Қарағанды облысында «Саран» шахтасынан өрт шықты.

«АрселорМиттал Теміртау» компаниясына қарасты «Саран» шахтасында түнде өрт шыққаны белгілі болды. Арнайы құтқару тобының көмегімен барлық кеншілер аман-есен жер бетіне шығарылды.

– 27 тамыз күні сағат 01:55-те «Саран» шахтасынан өрт шығып, апатты жою жоспары енгізілді. Өрт сөндірілді. Барлық жұмысшылар жер бетіне шықты. Зардап шеккендер жоқ, себептері мен мән-жайы анықталуда, – деп мәлімдеді АрселорМиттал Теміртау баспасөз қызметі.

Аида РАХЫМҚҰЛОВА,

ortalyq.kz