Арқада – аламан айтыс

   Қаздауысты Қазыбек бидің 350 жылдық мерейтойына орай, Арқада аламан айтыс өтеді.

Жалпы, Бабаның тойына біздің өңір қызу әзірленуде. Ілкімді іс-шараларды жоғары деңгейде өткізу мәселесі – облыс әкімінің жіті бақылауында. Соның бірі – облыс орталығындағы сөз барымтасы.

Айтысқа Моңғолия, Қытай, Қырғызстан және Өзбекстан елдерінің де ақындары қатысады. Әрине, өзіміздің елдің түпкір-түпкірінен де кіл мықтылар жиналмақ.

Халықаралық шара 19-20 тамыз күндері Қарағанды қаласындағы Кеншілер мәдениет сарайында өтеді.

Қуаныш Аманқұлов