Аймақтағы ақпарат айдыны

     Қазақстанның ең ірі аймағы саналатын Қарағанды облысы өзге өңірлермен салыстырғанда медиалық тұрғыдан көшке ілесе алмай           келеді дей қою қиын. Себебі, облысымыз республика бойынша 3 орынға табан тіреп тұр. Сөйтіп, бүгінгі таңда аймағымызда 194 БАҚ құрылымы тіркелсе, соның ішінде электрондық БАҚ саны – 40, мерзімді басылымдар – 147 және ақпараттық агенттік – 7.

 Жоғарыда көрсетілген 194 БАҚ құрылымының басым бөлігі, яғни, 83,4%-ы – мемлекеттік емес. Нақты санына тоқталар болсақ, облысымыздағы мемлекеттік емес 156 БАҚ-тың 114-і мерзімді баспасөз, 5-і – ақпараттық агенттік, 37-сі – электронды БАҚ. Ал, мемлекеттік БАҚ саны – 38. Оның 36-сы мерзімді баспасөз болса, 2-і – электрондық БАҚ.

Аймақтағы ақпарат айдынының тақырыптық бағытына тоқталар болсақ, ақпараттық бақ саны – 57, жарнамалық – 68, қоғамдық-саяси – 31, діни – 7, жастар мен балалар бұқаралық ақпарат құралы – 11, ғылыми – 16.

Облысымыздағы мерзімді басылымдар мен телевизиялық өнімдердің сапасы мен деңгейі жыл санап артып келеді. Бұған дәлел – жаңа бұқаралық ақпарат құралдарының құрылуы мен қайта ұйымдастырылуы. Ғаламтор қызметі бар БАҚ саны да ұлғаюда. Мұнымен бірге, мерзімді баспсөз басылымдарының  таралымы да көбеюде. Мәселен, қоғамдық-саяси газет журналдардың таралымы 4 мыңнан басталып, 17 мыңға дейін жетуде.

Рауан ҚАБИДОЛДИН.