29 тамыз – Ядролық сынақтарға қарсы іс-қимылдың халықаралық күні
1991 жылғы 29 тамызда Қазақстан тарихындағы аса маңызды шешім қабылданып, Семей ядролық сынақ полигоны жабылды. Биыл осы тарихи оқиғаға 35 жыл толып отыр.
Семей полигонында 1949 жылдан 1989 жылға дейін 456 ядролық сынақ жүргізілді. Жарылыстар қоршаған ортаға орасан зиян келтіріп, миллионнан астам адамның денсаулығына әсер етті.
1989 жылы ақын Олжас Сүлейменовтің бастамасымен құрылған «Невада–Семей» қозғалысы ядролық сынақтарды тоқтатуды талап етіп, халықты бір мақсатқа біріктірді. Қоғамдық қысымның күшеюі полигонды жабу туралы тарихи шешімнің қабылдануына ықпал етті.
Полигонның жабылуы Қазақстанның ядролық қарудан бас тарту саясатының бастауына айналды. Кейін Қазақстанның бастамасымен 29 тамыз – Ядролық сынақтарға қарсы халықаралық іс-қимыл күні болып жарияланды.
Семей полигонының тарихы – ядролық қарудың зардабын еске салатын қасіретті сабақ. Ал оның жабылуы – халықтың ерік-жігері мен бейбітшілікке деген ұстанымының символы.
Диас СЕРІКҚАЗЫҰЛЫ
Ortalyq.kz
